Komuna e Ulqinit drejt zgjedhjeve të parakohshme lokale

 Kuvendi Komunal i Ulqinit miratoi sot njëzëri në seancën e jashtëzakonshëm vendimin për  shkurtimin e mandatit të përbërjes ekzistuese të Parlamentit, me të cilën u krijuan të gjitha  kushtet për zgjedhje të parakohshme në Komunë. Iniciativën për shkurtimin e mandatit  qeverisës e paraqiti Partia Demokratike e Socialistëve-DPS më 28 tetor dhe e kanë  nënshkruar 21 këshilltar. Në shpjegimin e kërkesës për thirrjen e seancës së  jashtëzakonshme, thuhet se zgjedhjet e parakohshme janë të nevojshme për shkak të  ngadalësisë burokratike, mungesës së bashkëpunimit të fortë, zbatimin e paefektshëm të  ligjit, mungesën e dokumentacionit të planifikimit, investimet e pamjaftueshme në zhvillimin e qëndrueshëm të burimeve të pashfrytëzuara, rritja e papunësisë, rënia e shpenzimeve  standarde të qytetarëve dhe shpenzimet e mëdha publike.
Në këtë seancë të jashtëzakonshme janë shënuar diskutime të shumta dhe replika për punën dhe jo punën të përbërjes në largim dhe të opozitës.
Zgjedhjet e parakohshme në Ulqin sipas të gjitha gjasave do të mbahen në fillim të janarit të vitit të ardhshëm, ose ndoshta në gjysmën e parë të shkurtit. /Albert Camaj/