Në Malësi zbulohet kisha pesë shekuj e vjetër

 Në kuadër të programit për mbrojtjen dhe ruajtjen e pasurive kulturore për vitin 2017, një ekip arkeologësh posa përfunduan gërmimet e gërmadhave të kishës së vjetër katolike në Qafë Kishë, në Dubrava, rrugës për në Drume – Hot.

Drejtor i Kërkimeve arkeologjike, Mile Bakoviq, thekson se bëhet fjalë për gërmadha të mureve të kishës nga shekulli i 16-të, e cila është nën mbrojtjen e shtetit si një monument kulturor, që nga viti 1950.

Ai thekson se gjendja dhe pamja e vendit ku ajo ndodhet më së miri flasin se pse Komisioni për rregjistrim të pasurisë kulturore, që nga viti 2006, nuk ishte në gjendje të gjejë këtë objekt, sepse ai ishte i mbuluar nga bimë e barishta të rritura në muret e kishes. Ekipit të arkeologëve, kësaj radhe i janë nevoitur tri ditë për të hequr bimësinë e dendur. Atëherë ata erdhën mbi mbetjet e absidës (shtojca gjysmërrethore), e cila ka dalë nga toka, ndërsa pjesët e tjera të ndërtesës ishin nën tokë. Pas tridhjetë ditëve të punës kanë zbuluar një objekt monumental me gjatësi 18.5 dhe me gjerësi rreth katër metra.

Kreu i kërkimeve arkeologjike tregon se gjetjet paraprake tregojnë se kisha e parë është ndërtuar në mesin e shekullit të 16-të dhe sigurisht ka qenë shumë e rëndësishme për këtë zonë.

Albert Camaj

  • Curani

    Vendasit qe jetojne ne fshatrat afer Kishes- Spi dhe Rranxa e Qafes , kane dite se Kisha Katolike- Benediktiane gjendet pikerisht aty( Sa shtire e paskan gjete keta arkeologe) – aty eshte Kisha- vorrezat e shumta dhe shtepiat e vjetra- ne vendasit i dime- dhe kete vorreza i kemi perkujtuar me kryqa here pas heret- dhe me lutje….

    • cemi

      Si lokacion asht dit, por sic po shihet asht dasht me u gjermua per me dasht me dal ne siperfaqe dhe me u studijua per me dit origjinen e periullen

  • Kosove Rexha Bala

    Germadha e kishes dhe varrezat kane qene gjithmone te dukshme ne ate vend. Dikush i ka vjell edhe guret e murishtes se kishes edhe te varrezave, keshtu qe ne vitin 2009 kur i kam vizituar ato treva, kam ndaluar aty me auto dhe kam dale me pa. Aty nuk ishin me as guret e kishes as guret e varrezave. Ishte rrafshine plot me shkorreta. I kam degjuar hotjanet e mocem se, famullitari i kishes se Traboinit, Pater Marjani, ne vitin 1928 e ka pas hapur nje nga ato varreza per kuriozitet. As far as I’m concerned, ai qe i ka vjell ata gure mos ua paft hajrin.
    Arkeologet malazez me siguri i kane hape ato varreza dhe eshtrave te gjetura ua kane bere, CARBON DATING, dhe kjo metode e zbulon me perpikshmeri vjetersine e tyre.