Dreshaj: Mospërkrahja e këtij pushtetit anti shqiptar, për vendosjen e shtatores Gjergj Kastriotit-Skenderbeut, në qendër të Tuzit, nuk meriton perkrahjen e malesorëve  

Me datën 3 mars do të mbahen zgjedhjet lokale, për komunën e Tuzit.  Alternativa Shqiptare, Lidhja Demokratike Shqiptare dhe Unioni Demokratik i shqiptarëve janë bërë bashkë, nën moton “Malësia na Bashkon” dhe me emrin e përbashkët, “Forumi Shqiptar”.

Njëra ndër kandidatet e Forumit Shqiptar, Albina Dreshaj, përmes një video-mesazhit, shprehet se shqiptarët e Malësisë, 70% e popullatës së kësaj komune, me plot arsye shprehin pakënaqësi per mosfunkcionimin e intitucioneve, për berbuzjen që i bëhet gjuhes, kombit dhe flamurit tonë.

Sipas Dreshaj,  pushteti aktual nuk perkrahi vendosjen e shtatores së heroit tonë kombetar, Gjergj Kastriotit Skenderbeut, në qender te Tuzit, për çka ky pushtet nuk meriton më perkrahjen e malesorëve.  Sipas Dreshaj,  sllogani tedencioz i partis në pushtet (PDS),  as me  këtë sllogan nuk njeh Malësinë, veç qytezën Tuz, sepse aktivistet e kësaj partie as që dinë ku i ka kufinjt Malësia, e jo me ta drejtojnë atë.

Apeli i Dreshaj, drejtuar Maleve të Malesisë, Hotit, Grudes, Trieshit dhe Kojes, dhe të gjithë atyre që i thonë bukës buk, e ujit ujë, që, nëse mendojnë per nipërit e mbesat, që edhe ata të flasin shqip të mos lejojnë që atë ta lënë në duart e atyre që e mohojnë, por ta perkrahin listën e Koalicionit “Malësia na Bashkon”, që e përfshinë të gjithë Malësinë.

 

Brezi i ri i politikaneve malësore, premton ditë më të mira për Malësinë. Kështu ruhet dinjiteti dhe vetëdija kombëtare, kështu lidhen breznitë e shkuara, me ato që vinë, kështu mbrohet dhe ruhet Malësia dhe ç'do gjë malësore. Të lumt Bina jonë!

Posted by Lidhja Demokratike Shqiptare on Saturday, February 23, 2019