1 Qershori është Dita Ndërkombetare e Fëmijëve. Në Malësi dhe mbarë botën, kjo ditë u kushtohet fëmijëve, me aktivitete të larmishme.
Me rastin e shënimit të Ditës mbarëkombëtare të fëmijës, Komuna e Tuzit, në bashkëpunim me OJQ “Alb Progress”, organizoi manifestim për fëmijtë, pranë Komunës së Tuzit.
Të pranishmit, në emër të Komunës së Tuzit, i përshëndeti nënkryetari i Komunës, Ivan Ivanaj.
Gjithashte me fjalë përshendetëse pjesmarrësit i përshëndeti modelja e njohur, Emina Çunmulaj.
Në fjalën e vet nënkryetari, Ivanaj, theksou se Komuna për herë të parë organizon dhe mbështet një manifestim të këtillë, manifestim që shpreson se do të bëhët tradicional, sepse sipas Ivanaj, fëmija dhe të rinjtë janë e ardhmja jonë.
“Fëmijë të dashur, sot është dita juaj, sot kjo ditë festohet në shumë vende të botës, dhe ne kishim dëshirë që edhe ju të bëhi pjesë e kësaj feste të madhe. Të gjithë ne dikur ishim fëmijë, dhe të gjithëve na mungon ajo kohë, por më së shumti na mungon loja, prandaj sot për ju e bashk me ju kemi përgatitur një program me plotë lojë,muzik e vallëzim. Jam i sigurt që programi që kemi përgatitur për ju, për çka dua ti falenderoj të gjithë që janë angazhua në organizim, do tju pëlqej dhe se nga oborri i komunës tuaj do të dilni të buzëqeshur”, deklaroi Ivanaj.
Manifestimi te Komuna e Tuzit ishte i dekoruar shumë bukur dhe i mbushur përplot me fëmijë të cilët me padurim prisnin fillimin e manifestimit, ndërsa fëmijët e udhëhiqnin programin dhe ishin po ata të cilët e bënin programin me pikat e përgatitura nga vet ata.
Ishte një manifestim i mrekullueshëm, ku e gjithë vëmendja u kushtohej fëmijëve, duke filluar nga kënga, recitimi, gjëzezëza e lojëra të tjera.
Albert Camaj
