Shqipëria thyen tjetër rekord, jemi në vendin e 43-të

Kombëtarja shqiptare ka arritur një ngritje rekorde në ranglistën botërore FIFA World Rangking. Shqipëria tani është në pozitën e 43-të me 640 pikë.

Muaj më parë kombëtarja jonë u ngrit në pozitën e 48-të që ishte ngritja më e lartë në historinë e futbollit tonë.

Ndërsa, sot me 9 maj, kur u publikua lista e re e FIFA-s, u vërejt një ngritje prej pesë pozitave. Kjo tani është arritja më e madhe e futbollit shqiptar dhe në këtë sigurisht se ka ndikuar ndeshjet e fundit të shkëlqyeshme të kombëtares kuqezi.

Top 10-shi nuk ka pësuar ndryshime, Spanja vazhdon të jetë e para me 1538 pikë, Gjermania e dyta me 1428 pikë, Argjentina e treta me 1296. /MALESIA.ORG/

“KF Malësia” dhe këta vogëlush meritojnë përkrahjen morale dhe materiale e të gjithë neve. Duke përkrahur sportin, përkrahim shëndetin dhe edukatën e cila përfitohet përmes sportit dhe largon të vegjlit nga rruga.
Me këtë rast përgatitëm një intervistë me trajnerin dhe menaxherin e klubit, trajner i licencuar sipas standardit të UEFA-s, z. David Camaj,  një foto-galeri dhe video të gjiruar gjatë ushtrimeve.

FOTOGRAFITË

Intervista me trajnerin z. David Camaj

Kur u formua KF Malësia, dhe si erdhi deri te kjo iniciativë?
- “KF Malësia” u themelua në vitin 2007, pra para 6 vitesh, ku së pari funksionuam si organizatë joqeveritare. Iniciator dhe themelues të klubit ishte z. Pal Dreshaj (profesor i edukatës fizike) dhe unë (David Camaj), ku punuam afro 3 vite si organizatë joqeveritare, kurse që nga viti 2010 u transferuam si klub i futbollit, i regjistruar sipas statutit të Federatës të Malit të Zi në Futboll.

Cilat janë moshat që ushtrojnë në klubin tuaj dhe sa herë në javë janë ushtrimet?
- Meqën se klubi numëron rreth 70 vogëlush, punojmë 4 herë në javë sipas grupmoshave 2001/2 (ora 15) , 2003/4 (ora 19) kurse grupi 2005/6 në mëngjes (ora 10). Gjatë vikendit kemi ndeshjet në liga ku marrim pjesë. Vërtet është një orar i ngarkuar por ndjehem shumë mirë si trajner dhe pjesë e këtij klubi.

Jeni të kënaqur me interesimin e fëmijëve, gjegjësisht prindërve?
- Po, jam shumë i kënaqur me pjesëmarrjen e fëmijëve, posaçërisht me besimin që më kanë dhënë prindërit e tyre.
Përpiqem që në mënyrë profesionale të kryej detyrën, dhe duke u mbështetur në rezultatet, lirisht mund të them se puna më është shpërblyer. Si trajner, jam krenarë që jam pjesë e kësaj familje, jam krenarë për interesimin e vogëlushëve dhe prindërve të tyre. 

Lirisht mund të themi se në vendin tonë mungojnë edhe kushtet elementare për zhvillimin e sportit. Sa keni përkrahje nga institucionet përkatëse të sportit apo të Komunës urbane të Tuzit?
- Mendoj se Malësia ka shumë nevojë për objekte sportive, qoftë në futboll, qoftë në palestër etj.
Por gjithsesi kemi nevojë shumë të madhe për një fushë sportit, pikërisht futbollit.
Sa i përket përkrahjes nga institucionet, përkrahja është shumë e vogël ose më mirë të them nuk ekziston fare. Përkrahje nuk ka as nga Komuna urbane e Tuzit.
Sa i përket ndihmës, stimulimit dhe zhvillimit, sporti në Malësi është lënë pas dore.

Ju merrni pjesë në gara brenda Malit të Zi por edhe në turnamente evropiane. Si e përballoni anën financiare?
Keni ndonjë sponsor, ndihmë nga institucionet apo vetëfinancojnë prindërit e të vegjëlve?
- Po, jemi pjesëmarrës të rregullt në kampionat të Malit të Zi, por edhe në turnamente të mëdha evropiane.
Sa i përket financimit, shumë e vështir… Mundohemi që me anë të anëtarësimit të mbulojmë një pjesë të shpenzimeve që kemi. Duhet ta dini se ekipi, çdo vikend, të shtunën dhe të dielën, ka 2 ose 3 ndeshje gjatë gjithë vitit në Podgoricë dhe rrethina. Por, gjithsesi nuk duhet harruar disa individ që janë çdo herë pran klubit dhe mundohen ta ndihmojnë klubin me aq sa kanë mundësi.
Një falënderim të posaçëm për z. Anton Vulaj, pronari i Castallana, i cili në çdo mënyrë është pran klubit, si me të holla, pajisje dhe ndihma tjera. Falënderim dhe për Nosh Camaj i cili po ashtu është pjesë e klubit duke ndihmuar klubin pothuaj çdo herë.
Nuk duhet harruar të madhin, futbollistin Ardian Gjokaj, pronarin e ballon-sallës, i cili na lehtëson me pagesën e sallës . Nga ai kemi zbritje dhe nga një termin falas çdo muaj.  Gjithashtu falënderojmë edhe përfaqësuesit e partive politike shqiptare, Gjergj Camaj, Vasel Sinishtaj, Nikollë Camaj dhe Ismet Gjokaj që herë pas here, sipas mundësive na ndihmojnë, për çka jam mirënjohës.

Na tregoni pak për sukseset tuaja në ligën e Malit të Zi?
- Pikërisht, që tre vite jemi pjesëmarrës të rregullt në kampionatin e Malit të Zi.
Para tri viteve arritëm vendin e tretë kurse para dy vitesh ishim edhe kampion të Malit të Zi, me gjeneratën 1997-1998. Vitin e kaluar arritëm vendin e dytë, ku ne finale pas penalltive, humbëm nga ekipi i Zetës. Vërtetë, ishin tre vite të suksesshme për ekipin tonë.

Vitin e kaluar morët pjesë në një turnament të madh në Gjermani ku morën pjesë numër i madh i ekipeve nga shumë shtete evropiane. Si e gjeti veten KF Malësia në mesin e ekipeve evropiane dhe cilat ishin arritjet?
- Jo vetëm vitin e kaluar, por gjatë tre viteve të fundit ishim pjesëmarrës në turneun Viena (Austri), kurse dy vitet e fundit ishim në Shtutgard të Gjermanisë ku viti i kaluar ishte me të vërtet i suksesshëm për ekipin tonë. Në mesin e 114 ekipeve pjesëmarrëse, KF Malësia nxuri vendin e pestë.
Nga 14 ndeshje, KF Malësia kishte 12 fitore, një barazim dhe vetëm një humbje 1-0 nga ekipi i madh i Shtutgardit, gjë që na ndaloj hyrjen në gjysmëfinalen e turanementit.
Në Gjermani kemi lënë përshtypje të shkëlqyer, çka flet edhe ftesa që kemi fituar nga organizatori i turnamentit për pjesëmarrjen edhe për këtë vit në turanementin i cili do të zhvillohet në muajin Qershor.
Vlen të ceket se ekipi ynë mundi një ekip siç është Bazel i Zvicrës, Okser të Francës, Salzburg të Austrisë, Verona të Italisë etj. 

Si rrinë klubi këtë vit dhe cilat janë planet e klubit për këtë vit?
- Në ligën e Malit të Zi, këtë vit kemi nxënë vendin e dytë dhe jemi kualifikuar në Playoff për gjeneratën 2001/2.
Tashti jemi në pritje të Playoff-it me qëllimin të fitojmë kampionatin, të hipim në “tron” ku dhe e kemi vëndin.
Kemi golashënuesin në të mirë të ligës, Kristjan Gjolaj me 52 gola të shënuar.
Në plan kemi pjesëmarrjen në turneun e Shtutgardit, por duke ditur gjendjen financiare ende nuk kemi vendosur për pjesëmarrje.  Kemi disa premtime nga disa dashamirë të klubit, gjithashtu dua të falënderoj për së tepërmi Shoqatën “Dedë Gjon Luli” nga New York-u të cilës i jemi drejtuar për ndihmë dhe kemi fituar përgjigje pozitive.

KF Malësia nuk ka një stadium i cili përmbush kushtet për zhvillimin e ndeshjeve. Është e vërtet se nuk u jepet në përdorim stadiumi i KF Deçiq në Tuz, dhe për zhvillimin  e ndeshjeve jeni të detyruar të përdorni stadiumet në Podgoricë dhe gjetiu?
- Jo, nuk kemi fushë që i plotëson kushtet. E vërtet është se vitin e kaluar iu drejtuam KF Deçiq, gjegjësisht kryesisë së klubit, me kërkesë që të na mundësohet vetëm zhvillimi i ndeshjeve në stadiumin e tyre, por nga ata fituam përgjigje negative.
Në stadiumin e Deçiqit ka disa klube që vijnë nga Podgorica të cilët ushtrojnë falas, kurse neve nuk na mundësuan që së pakut ndeshjet ti zhvillojmë aty.  Prandaj, për zhvillimin e ndeshjeve jemi të detyruar që çdo javë të udhëtojmë në Podgoricë, ku shpenzimet janë shumë më të mëdha .

Jemi të njoftuar se disa nga futbollistët tuaj gjatë turnamentit në Gjermani kishin tërhjekur vëmendjen e klubeve të mëdha evropiane? Na thoni diçka më shumë në lidhje më këtë dhe përgatitjen e futbollistëve tuaj?
- Malësia gjithmonë ka pasur dhe do të ketë talent të dalluar, siç ishin Macolla Dushaj, Zef Gjelaj, Mark Camaj, Adrian Gjokaj, Saniball Orahovac, Albin Camaj etj.
Nga klubi ynë, vitin e kaluar në turnamentin në Gjermani, ishin disa menaxher të interesuar për futbollistët tonë. Do të veçoj Jonatan Dreshaj të cilin para dy viteve e ftuan në kampin e futbollit të ekipit gjigant të Barcelonës i zhvilluar në Poreç të Kroacisë.  Dreshaj në 5 ndeshje shënoj 14 gola. Dua të ceki edhe portierin Marjan Vulaj, lojtarët Kenan Orahovac, Andrej Camaj, Andrej Ivezaj, Mario Gjolaj, Ajdin Gjokaj, Albin Nikprelaj, Mateo Vulaj etj. Pra, Malësia nuk duhet të frikohet për të ardhmen e saj në futboll se ka një potencial fantastik. 

Është fakt se futbolli është sporti më i popullarizuar në botë, në të cilin investohet shumë, ku për të arritur sukses përpos talentit kërkohen edhe kushtet. Si e shihni gjendjen e sportit në Malësi sot, dhe çka duhet të bëhet në të ardhmen?
- Po, siç e dimë futbolli është sporti numër një në botë, por për te ecur para, për të arritur rezultate duhet punë por edhe kushte. Një gjë e madhe që i mungon këtij klubi është pikërisht fusha e futbollit, aty ku është baza ose themeli për një punë profesioniste, për një rezultat dhe sukses të gjatë.

Keni planë në të ardhmen të transformoheni në një klub për të gjitha moshat?
- Kemi shumë plane por për plane afatgjate nevojiten edhe kushtet bazë. Sikur të kishim fushën tonë, ku ne do të jemi zot në shtëpinë tonë gjithçka do të realizohej më lehtë. Edhe sponsorët do të gjejnë vetën aty më lehtë.
Mendoj se Malësia meriton të ketë një klub të vet, ku vet emri do të tregonte se është klub i Malësisë dhe në të cilin do të përfshihen të gjitha grupmoshat deri për të rriturit (seniorët).  

I nderuari David Camaj, ju falënderojmë për intervistën, urojmë të vazhdoni me sukseset me shpresën që të fitoni përkrahjen që meritoni si nga institucionet ashtu dhe nga shoqëria në përgjithësi.
- Ju faleminderit për vizitën dhe për përkujdesjen që na kushtoni përmes portalit Malesia.Org. Përshëndetje të gjithë lexuesve të portalit. 

/MALESIA.ORG/

Përfaqësuesja e Shqipërisë ka bërë një paraqitje të jashtëzakonshme në ndeshjen miqësore kundër Lituanisë, të cilën e mposhti me rezultat 4-1.

Kombëtarja kuqezi e dominoi gjithë sfidën, por një paraqitje mbresëlënëse bëri në fraksionin e parë të lojës.

Rasti i parë real për të shënuar ishte në minutën e 26-të, kur shumë futbollistë vendas goditën disa herë në tentim për të shënuar, por më e shumta që bënë ishte goditja e transversales.

Zhbllokimi i rezultatit erdhi në minutën e 33-të me një supergoditje të Alban Mehës nga gjuajtja e lirë nga një distancë rreth 35 metra.

Pas një asistimi të Migjen Bashës, Edgar Çani e dyfishoi epërsinë (38’).

Mesfushori kosovar i Torinos, Basha, e filloi shumë bukur aventurën e tij me përfaqësuesen e Shqipërisë, pasi u regjistrua edhe në listën e golashënuesve (44’).

Në gjysmën e dytë, kuqezinjtë nuk u angazhuan si në pjesën e parë, megjithatë ata e menaxhonin ndeshjen.

Pas një harkimi nga e majta të Ansi Agollit, mysafirët shënuan në portën e tyre (59’), për ta ngritur edhe më shumë avantazhin e vendasve.

Goli i nderit për Lituaninë erdhi pas një harkimi nga gjuajtja e lirë, ndërsa realizues ishte Evaldas Razulis, i cili shënoi me kokë (75’). /Telegrafi/

Përfaqësuesja jonë kombëtare ka arritur të shënojë fitore të rëndësishme me rezultat 1-0 në Oslo ndaj Norvegjisë, për të vazhduar kështu të mbajë gjallë ëndrrën e shqiptarëve për pjesëmarrje në Botërorin, Brazili 2014.

Minutat e fundit të sfidës ishin dramatike. Shqipëria ishte dy herë pranë golit, por sulmuesit shqiptarë u tregua të pa sakt.
Po ashtu, në fund mbrojtja jonë u tregua stoike, duke bllokuar vendasit nga barazimi i golit.  Si pasojë në minutën e fundit u përjashtua nga loja Andi Lila.
Rezultati i ndeshjes në fund nuk ndryshoi dhe pas kësaj fitoreje Shqipëria ka nëntë pikë në vendin e dytë në tabelën e Grupit E, me një pikë më pak se Zvicra në vendin e parë dhe me pikë të barabarta me Islandën.

Botërori 2014 nuk është vetëm ëndërr, mund të bëhet realitet… /Telegrafi/

Tyrpi që do të mbahet mënd

Sot në Tuz të Malësisë, mysafir i klubit futbollistik FK Deçiq ishte klubi nga Prishtina e cila gjendet në përgatitje disa ditore në Ulqin.

Mysafirët nga Prishtina u priten nga deputeti i DPS-së për Malësi, Halil Dukoviq si dhe nga kryetari i Komunës urbane të Tuzit, Fran Lulgjuraj.

Megjithatë klubi mysafir nga Prishtina nuk u prit aspak mirë dhe atmosfera e ndeshjes nuk kishte asgjë miqësore, duke u falënderuar lojtarëve të Deçiqit dhe një pjesë të tifozëve të klubit vendas të ashtuquajtur “Askeri”.

Loja nisi ashpër nga ana e ekipit vendas me ndërhyrje të pakontrolluara e të ashpra ndaj futbollistëve të Prishtinës.
Sipas disa okularëve, një grup i tifozëve të Deçiqit disa herë thirrën me fjalët “Kosovo je Srbija” (Kosova është Serbi), ku pak kohë më vonë, rreth minutës së 35 në stadium shpërtheu rrahje masive në mes të lojtarëve, të cilën e nisën lojtarët vendas. Referi ndërpreu ndeshjen mbas qetësimit të situatës, me rezultatin 0:0.

Është ky një tyrp i lojtarëve, udhëheqësisë dhe tifozëve të KF Deçiq që do të mbahet mënd.

Shprehim keqardhje për këtë skandal në të cilin u priten vëllezërit tonë nga Prishtina, duke ju sqaruar se KF Deçiq përpos se gjendet në Malësi dhe mban emrin e Deçiqit legjendarë, nuk ka asgjë shqiptare e malësore në vete. /Malesia.Org/

Disa nga mediet shqiptare që përcollën këtë ngjarje:
Ora News: http://www.oranews.tv/sport/rrahje-ne-miqesoren-deciq-prishtina/
Gazeta Express: http://www.gazetaexpress.com/index.php?cid=1,24,103965
RTV 21: http://rtv21.tv/home/?p=85836
Telegrafi: http://www.telegrafi.com/sport/rrahje-masive-ne-miqesoren-e-prishtines-ndaj-klubit-malazez-92-0-869.html
Kosova Press: http://kosovapress.com/?cid=1,5,160323
Kosova Times: http://kosovatimes.net/?page=1,6,27350
Kosova Online: http://www.kosovaonline.info/?page=1,7,24288
Albeu Sport: http://sport.albeu.com/kosove/dhune-ne-deciq-prishtina-malazezet-kosova-eshte-serbi/100794/
Port Alb: http://portalb.mk/CategoryContent/RenderSingleContent/26-Ne-bote/15585-
Raporteri: http://www.reporteri.net/?page=1,4,5926

Në ketë kampionat ajo përfaqësonte klubin denjësisht me tre garues. Garuesit të cilët përfaqësuan klubin Alba ishin në nivelin të përgatitjes në dy disiplinat që kishte vetë Kupa V-të, Kyorugi-Luftat ishte një nga disiplinat ku edhe garuesit ishin më të përqendruar si pas traditës që ka më shumë edhe në trevat tona dhe ajo po aq e rëndësishme sa Kyorugi-Lufta edhe tjetra disiplinë Poomsae-Format që ka një rendësi të veçantë në përforcimin e teknikes ku garuesi garon me vetë-vetën duke demonstruar lëvizjet dhe artin e këtij sporti.
Kjo disiplinë në Malësi edhe në krejt Mal të Zi nuk është edhe aq e njohur por ka dispozitë që të jetë në paralele me atë të Kyorugit-Luftave në të njëjtin rang sikurse në Evropë apo edhe më gjërë në Botë.
Kur përmendim Kyorugi-Luftat na shko mendja te garuesi që Alben e përfaqësuan denjësisht me tre garues Tomë Margilaj, kategoria Senior -58 kg, ku zuri vendin e parë, Sonja Pllumaj Seniore -53kg, vendi i parë, dhe Anton Lucaj Kadet kategoria -33kg vendi i parë.
Kurse në disiplinën e Poomseve-Format klubi Alba u përfaqësua u me 2 garues Tomë Margilaj Senior, vendi i dytë dhe Sonja Pllumaj seniore vendi i parë.
Në këtë turnament morën pjesë tetë klube nga Mali i Zi kurse mysafir ishin vëzhguesit nga Kroacia, Miro Brezan (8 Dan Grand Master) dhe Boris Budor trajner i cili vazhdimisht jep kontribut për garuesit nga Mali i Zi.
Alba Taekwondo Academy ka një vizion për të ardhmen që me këta kollos dhe shumë të tjerë, në kampionate të Malit të Zi, në Ballkanik, Evropian, Botërore dhe gjerë në OLIMPIADË që të përfaqësoj vendin tonë Malësinë denjësisht siç ata dinë në këtë disiplinë të Arteve Marciale TaeKwonDo.

KT . ALBA

Takimi i fundit i kombëtares shqiptare kundër Kamerunit u mbyll me barazim 0-0. Ndeshja e zhvilluar në Gjenevë të Zvicrës më shumë i shërbeu trajnerit Xhani de Biazi për të provuar edhe disa lojtarë të rinj, ndërsa ndeshjen e nisi me një formacion pa shumë eksperimente.

Kuqezinjtë zhvilluan një ndeshje të pëlqyeshme ndaj “luanëve të Afrikës” dhe në fund arritën ta mbyllin 2012-ën me barazim, pa gola.

Trajneri De Biazi në fund ka mbetur i kënaqur nga paraqitja e ekipit si dhe nga futbollistët e rinj që provoi. Në pjesën e parë kishte një epërsi të lehtë të Kamerunit, por në të dytën Shqipëria është më superiore dhe rastet ishin më të mira për kuqezinjtë.

De Biazi mbyll një vit me Shqipërinë, që për italianin konsiderohet vit i mirë, por peng i mbetet humbja me Islandën.

Miqësorja me Kamerunin ishte një provë e mirë për Shqipërinë, ku u dhanë sinjale pozitive për të ardhmen. /Telegrafi/

Në këtë kampionat morën pjesë kater klube nga Mali i Zi në mesin e tyre edhe klubi BESA nga Malësia.

Edhe kësaj rradhë klubi BESA u rendit si klubi më i suksesëshem në konkurencen e kadeteve dhe në poomse-forma.

Do ti cekim kampionet e klubit BESA:

Mario Gegaj -63kg Senior, Vendi i Pare (shpallet Seniori me i miri ne kete kampionat)

David Arapaj -49kg Kadet, Vendi i Pare

Anton Dukaj -54kg Senior, Vendi i Pare

Kristijan Gjokaj -37kg kadete, Vendi i Pare

Merisa Rastoder -37kg kadete, Vendi i Pare

Elemedina Latiq -44kg kadete, Vendi i Pare

Drita Dedivanaj -47kg kadete, Vendi i Pare

Ndersa ne forma poomse kampion u shpallen:

Sandra Ivezaj, pionere

Nikolle Ivezaj, pionere

Drita Dedivanaj, kadete

Mario Gegaj, junior

Anton Juncaj, junior

Përfaqësuesja e Shqipërisë ka shënuar fitore minimale, por mjaft të rëndësishme kundër Sllovenisë, në rrugëtimin për Kampionatin Botëror 2014.

Kuqezinjtë zhvilluan një gjysmë të parë të mirë duke kontrolluar topin dhe duke menaxhuar ndeshjen.

Pas disa aksioneve, loja e mirë e kombëtares shqiptare u konkretizua me gol në minutën e 36-të.

Një harkim i mirë nga e majta e Vilës, kaloi mbi Sadikun, por ishte fiks për Roshin, i cili e mposhti në kërcim markuesin e tij dhe portierin Handanovic për të shënuar golin e avantazhit.

Ekipi vendas vazhdoi të luante mirë edhe në fraksionin e dytë, ndërkohë që me raste sllovenët përpiqeshin që të ndëshkonin.

Shqiptarët nuk lejuan që t’u ikte loja nga dora deri në fishkëllimën e fundit të gjyqtarit, ashtu që arkëtuan pikë të plota nga ky takim.

Pas katër xhirosh, Shqipëria numëron gjashtë pikë në Grupin E dhe gjendet katër pikë prapa pozitës së parë të cilën e mban Zvicra. /Telegrafi/

Përzgjedhësi i përfaqësueses së Zvicrës, Ottmar Hitzfeld, ka mbetur i mahnitur me tifozerinë shqiptare të mbledhur në Swisspor Arena të Luzernit.

Zvicra shënoi fitore 2-0 ndaj Shqipërisë në ndeshjen e dytë kualifikuese për Botërorin 2014, por trajneri gjerman mendon se kuqezinjtë pavarësisht humbjes kanë kualitet dhe mund ta kalojnë grupin për të arritur në Botëror.

“Shqiptarët njerëz të mrekullueshëm, kur dëgjova se në Luzern ndodhen rreth 12000 shqiptarë nuk ju besova dhe qesha. Kur u afrova afër stadiumit mbeta pa fjalë, 12000 tifozë nuk udhëtojnë në një shtet tjetër për të parë Gjermaninë, Anglinë apo Brazilin”.

“Ishte një atmosferë e jashtëzakonshme, ata janë njerëz të qejfit. Pastaj në stadium, përfundimisht ndër tifozëritë më të zjarrta që kam parë”.

“Shaqiri shënoi kundër kombit të tij, megjithëse tek goli ai e gjuajti shumë keq, fati jonë që portieri nuk e arriti. Ai u ndje keq pas golit, unë do t’i qëndroj afër!”.

“Xhaka përsëri në fund, nuk e di a e bëri vetë apo e kishte nga emocionet. 12 mijë tifozë janë shumë për një 20 vjeçar gjithsesi ata po luanin kundër kombit të tyre dhe ne fituam”.

“Shqipëria ka shanse reale të kalojë grupet, nuk e di pse nuk investohet në atë vend. Pas kësaj ndeshje, kam dëshire ta vizitoj në të ardhmen”, ka thënë Hitzfield për mediat zvicerane./Kohasport/Telegrafi/