Elizabeta Pllumbi, “Miss Malsia 2014” – Razëm

10588869_910868275596978_896687178_n Më datën 03 gusht pë herë të parë u mbajt manifestimi “Miss Malsia 2014” në Razëm – Shkrelë / Malsi e Madhe – SHQIPËRI. Fituesja e “Miss Malsia 2014 – Elizabeta Pllumbi, do të përfaqësoj Malsin e Madhe në Miss Shqipëria. Elizabeta Pllumbi u bë konkurete zyrtare në Miss Universë i cili do të mbahet në Peru 2014.

REZULTATET E ” MISS MALSIA 2014″

1 ) vendi i pare : “MISS MALSIA 2014” Elizabeta Pllumbi

2) vendi i dyte: “MISS TURIZMI 2014” Delinda Colaj.

3) vendi i tret: “MISS ALPET 2014” Xhensila Vucaj. Çmimi i internetit,, EVA DUSHAJ.

Çmimi i Top Models nga Life style Albania. Aferdia Shaqiri & Marsela Marsi Lumaj

Poducent i MISS MALSIA ; Sokol Taticaj.

Është vetëm 15 vjeçe, ka lindur në Shtetet e Bashkuara të Amerikës, por prindërit e saj emigrantë ia kanë ushqyer shumë dashurin për vendlindjen, Elizabeta Pllumbit, aq sa ftesës së organizatorëve për të qenë njëra ndër 15 vajzat e konkursit të bukurisë “Miss Malsia 2014”, iu përgjigj me kënaqësi. Me thjeshtësinë, mençurinë dhe intelektin e saj dhe padyshim edhe me vlerat e padiskutueshme që mbart në vetvete portreti i saj, aq simpatik, nuk kishin se si të mos i mbushnin mendjen jurisë që unanimisht ta votonte atë si më të mirën mes konkurenteve malsore nga Malsia e Shqipërisë duke e kurorëzuar “Miss Malsia 2014”. “Të dashur miq! Sot ishte një krenari shumë e madhe që isha pjesë e një spektakli aq madhështor në Malsin time të bukur, Razëm. Ju falenderoj me gjithë zemër të gjithve për përkrahjen tuaj. Jam shumë krenare të prezantoj Malsinë e Madhe, Miss Malsia 2014! Ju dua të gjithëve, Faleminderit!”, shprehet tejet e entuziazmuar menjëherë pas spektaklit të organizuar në Pikën Turistike të Razmës, fituesja e çmimit të parë, numri 12-të, Elizabeta Pllumbi. Në një intervistë ekskluzive për ATSH-në, Elizabeta, thotë se fitorja e “Miss Malsisë”, është gjëja më e bukur në jetën e saj. “Dhe me sinqeritet jua them, që jam shumë krenare që jam malsore. Dhe sa do sukses të kem në jetë, unë kurrë nuk do të ndryshoj. Edhe pse isha shumë e emocionuar që nuk i kisha prindërit e mi të pranishëm, malssorët më bënë që të ndihem shumë mirë. Për këtë i falenderoj me gjithë zemer për mbështetjen që më dhanë”, shprehet Elizabeta Pllumbi. Më tej, duke vlerësuar vendin e origjines së familjes së saj, Elizabeta, thotë se edhe pse ka lindur në USA dhe është rritur atje, Malsia është vendi më i bukur në botë për të. “Kjo është falë prindërve të mi që më kanë sjellë çdo verë në pushime këtu dhe kujtimet më të bukura të jetes time i kam në Malsi.”, vijon ajo.

Jeta në Amerikë

Teksa dëshirojmë të dimë diçka më tepër për të dhe familjen e saj në Shtetet e Bashkuara të Amerikës, Elizabeta e fillon me prindërit. ”Babai im quhet Gjergj Pllumbi prej Dedajve, mama quhet Diella Turmalaj nga Vrrithi. Ne jemi tre fëmijë Elsoni 17, unë 15 dhe vëllai i vogël Danjeli 3. Jetojmë në Bronx, NY prej 17 vjet. Baba punon në ndërtim, kurse mama ka mbaruar universitetin atje dhe punon mësuese Matematiket në shkollë publike 8 vjeçare.”, thotë Elizabeta. Të përkushtuar dhe të nderuar si një nga familjet shqiptare më të respektuara në komunitetin shqiptar që jeton në Shtetet e Bashkuara të Amerikes, prindërit e Elizabetes, bënë gjithçka që fëmijët e tyre të merrnin edukimin e duhur përkrah bashkëmoshatërëve të tyre. Dhe për këtë Elizabeta dhe dy vëllezërit e saj i janë shumë mirënjohës prindërve për gjithçka që ata po bëjnë për to dhe se me punë e përkushtim maksimal do të përpiqen t’ia shpërblejnë atyre, në mënyrë që ato të ndihen krenarë për fëmijët e tyre. Më së shumti, për Elizabetën, mirënjohja e tyre për prindërit e tyre është se falë tyre, janë të edukuar me shpirt malsori, që për to është një gjë shumë e shtrenjtë e jetes së tyre.

Mesazhi i Elizabetës

E brumosur fort prej pasionit dhe dashurisë për vendin e origjinës së saj, që thuajse në çdo pjesë të bisedes, ajo e rikujton vazhdimisht me shumë krenari, në mbyllje të kësaj interviste, Elizabeta, ka edhe një mesazh. “Kam një mesazh për të gjithë Malsin time, popullin shqiptar. Rrënjët tona nuk duhet t’i harrojmë kurrë dhe të jemi krenar që jemi Shqiptar. Dhe të vazhdojmë t’ia shtojmë edhe më shumë vlerat këtij populli fisnik.”, shprehet e mbushur me emocione, vajza 15 vjeçare, Elizabeta Pllumbi, e lindur në Amerikë, por që me krenari pohon se është shqiptare, duke rifalenderuar edhe një herë prindërit e saj, Gjergj Pllumbi nga Dedaj dhe nënën e saj, Diella Turmalaj nga Vrrithi, të cilët e ushqyen më së miri me gjakun dhe traditat shqiptare.

Në këtë manifestim kishte të ftuar shumë artistë, dhe nji grup etno-folklorik – Ansambli Shqiponja nga Tuzi i Malsis së Madhe (pjesa nën Malin e Zi). Ansambli SHQIPONJA është edhe një vlerë e madhe kulturore. Me ketë Ansambel do të jemi pjesë edhe e manifestimeve shqiptare kudo në trojet etnike. Ky Ansambel është themeluar prej të rinjve të talentuar të Malësisë së Madhe me qendër në Tuz, që nga mosha 5-30 vjeçare, pa dallime përkatësie, gjinore, fisnore, fetare, ekonomike, shoqërore dhe krahinore. Ansambli SHQIPONJA u paraqitë me pjesën burimore dhe të stilizuar. Orkestra e Ansamblit interpretoj melodi te ndryshme. Në ketë orkestër ka më se 30 vegla të ndryshme muzikore, si burimore poashtu edhe klasike, shprehet udhëheqësi artistik i Ansamblit, Agron Pllumaj. Në ketë manifestim madhështor ishin të pranishëm rreth 4.000 veta.

Anton Pllumaj, Tuz – Malsi e Madhe

10455496_910868705596935_1181631671_n 10569227_910869508930188_1323789355_n 10578426_910875072262965_141824419_n 10578592_910868582263614_2092097657_n 10581130_910877492262723_60641923_n 10581130_910881585595647_1076497203_n 10581403_910874808929658_491010975_n 10584148_910872125596593_1796211351_n 10584342_910875288929610_2143755792_n 10588869_910868275596978_896687178_n 10589028_910870912263381_238297993_n 10589669_910876468929492_59874098_n 10589699_910869708930168_373460202_n 10589846_910881915595614_454143357_n 10592278_910868038930335_1520212959_n 10596789_910881072262365_1846307827_o 10601064_910882522262220_297716126_n 10601240_910868758930263_418718738_n 10602750_910869365596869_396060260_n 10602761_910872695596536_1505808_n 10608837_910871992263273_1838867016_n 10608844_910870362263436_306171419_n 10608909_910882398928899_2054604845_n 10609330_910869798930159_368421816_n