Kosovë, nis epopeja e UÇK-së

epopeja-300x214Me parakalimin e Forcave të Armatosura të Kosovës, në kazermën “Adem Jashari” në Prishtinë, nisi në Kosovë manifestimi tri ditor, i quajtur “Epopeja e UÇK-së”. Një sërë aktivitetesh zhvillohen në shtetin e ri në datat 5, 6 dhe 7 mars, kur përkujtohet 16-vjetori i rënies heroike të komandantit të UÇK-së Adem Jashari dhe e familjes së tij, gjatë luftimeve me forcat serbe në vitin 1998.

Kulla e Jasharajve në Prekaz, i rezistoi për tri ditë me radhë rrethimit nga trupat serbe, deri në rënien edhe të anëtarit më të ri të familjes që ishte vetëm 14 vjeç. Gjatë ceremonisë, Presidentja Atifete Jahjaga tha se flijimi i familjes Jashari hodhi themelet e një të ardhmeje të qëndrueshme të Kosovës. Kryeministri Hashim Thaçi foli për vendimin e qeverisë për krijimin e Forcave të Armatosura të Kosovës. Ai tha se krijimi i ushtrisë tregon avancimin e institucioneve shtetërore të vendit

Me vendimin e qeverisë, Forca e Sigurisë së Kosovës shndërrohet në Forcat e Armatosura të Kosovës, dhe rrjedhimisht të ndryshojë misionin, detyrat, strukturën dhe madhësinë, si dhe Ministria për Forcën e Sigurisë së Kosovës të shndërrohet në Ministri të Mbrojtjes së Kosovës. FAK do të kenë pesë mijë pjesëtarë aktivë dhe tre mijë rezervistë. Konsolidimi i plotë i Forcave të Armatosura kërkon kohë dhe disa ndryshime kushtetuese./pakufije.com/