MEMORANDUM SHTETIT TЁ MALIT TЁ ZI NGA DIASPORA MBARЁSHQIPTARE NЁ SHBA

MEMORANDUM SHTETIT TЁ MALIT TЁ ZI NGA DIASPORA MBARЁSHQIPTARE NЁ SHBA postuar: 10.05.2008

SOT ME 9 MAJ 2008 KOMUNITETI SHQIPЁTAR NGA SHBA është mbledhur në Nju Jork para Kombeve të Bashkuar i vendosur të përkrah protestën për LIRIMIN E TЁ GJITHЁ TЁ BURGOSURVE POLITIK NЁ MAL TЁ ZI.

LIRONI TЁ BURGUSORIT POLITIK SHQIPЁTAR

I. FAKTET

· Shqiptarët të cilët jetojn në trojet e veta etnike në Mal të Zi numrojnë 60000 banorë nga 620 000 sa ka shteti i Malit të Zi. Pothuaj e tërë kjo popullësi jeton në brezin kufitar me me shtetin amë të Shqipërisë në qytetin e Ulqinit, Tivarit, Rajonin e Malësisë, Plavës, Gusisë dhe Rozhaj. Një numër i konsiderueshëm punon në Evropën Përendimore dhe Shtetet e Bashkuara të Amerikës.

· Duke u bazuar në të dejtat dhe liritë e njeriut, pozita eshqiptarëve në Mal të Zi është duke u keqësuar. E drejta e tyre për të gëzuar të drejtën e aplikimit dhe zhvillimit të gjuhës dhe kulturës së tyre për çdo ditë e më tepër ështe duke u zvogluar

· Kjo pozitë e shtetit të Malit të Zi është manifestuar në mënyr të qart me 9 Shtator të Vitit 2006. Një ditë pas manifestimit madhështor në përkrahje të kandidatit Shqiptarë nga Malësia për Deputet në Parlamentin e Malit të Zi, dhe një ditë para zgjedhjeve parlamentare, policia Malazeze ka bastisur shtëpit në Tuz dhe Malësi duke arrestuar 14 vetë, ndërto edhe tre nënshtetas amerikan. Bastisjet dhe arrestimet janë bërë nën preteksin se grupi në fjalë ka pregaditur sulme të armatosura terroriste për ditë e zgjedhjeve me 10 Shtator.

· 14 Shqiptarët e burgosur janë mbajtur në paraburgim në burgun e Spuzhës për tre muaj pa akuze formale. Pushteti këtë grup e quajti terrorist dhe me 7 Dhjetor të vitit 2006 ngriti aktpadi kundër 18 personave ( katër në arrati ), duke i akuzuar si kriminel që kanë planifikuar akte terroriste, kanë financuar terrorizmin dhe akuza tjera për krime të organizuar. Prej asaj dite, falë zvarritjes gjygjësore të kalkuluar nga pushteti Malazez, aktakuza akoma ëshë në shqyrtim nga Gjykata Malazeze.

· Menjëher mbas arrestimit “Amnesty International” ka raportuar se të burgosurit janë keqëtrajtuar duke u dhunuar vazhdimisht me forcë, duke u nënshtruar pranimit të fajit nën ndikimin e dhunës, gjatë te cilit proces janë perdorur: grushtat, brrylat, këmbët, shkopinjët, dhe në një rast kabllo kompjuterike. Raporti në vazhdim pohon se torurat janë bërë nga individët dhe grupet policore në stacionin e policisë, poashtu edhe nga pjesetarët e policisë antiterroriste gjatë arrestimit, si edhe të grupeve policore që i kanë shoqëruar në gjygjë. “Amnesty International” poashtu cekën edhe rastin kur një të burgosuri gjatë torturës është mbuluar koka me kapuç, kurse një tjetëri është vendosur revolja në kry; të gjithë ishin të nënshtruar kërcënimeve rasiste ne baza të prejardhjes së tyre etnike Shqiptare.

· Në procesin i cili akoma është në vazhdim, avokatët mbrojtës mohojnë padinë e autoriteve shtetërore, duke u bazuar në mungesën e provave dhe pavlefshmërinë e dëshmive të dhëna nga të burgosurit nën ndikimin e dhunës. Poashtu Liderët Politik Shqiptarë janë deklaruar se është përdorur dhuna dhe shprehin dyshimin e tyre në funksionimin e sistemit gjygjësor. Dragan Preleviq, avokati mbrojtës i Kolë dhe Rrok Dedvukaj, ka thënë se: “pohimet e pavërtetuara të akuzës janë të stërmadhuara dhe në kundërshtim me provat e grumbulluara”, dhe se “përveç ditarit ato nuk kanë prova të tjera.” Provë të cilën policia pretendon ta ketë konfiskuar gjatë bastisjeve pa prezencën e deshmitarëve, dhe poashtu ai pohon se “dëshmit janë marrë nën ushtrimin e dhunës.”

Bazuar në këto fakte Komuniteti Demokratik Ndërkombëtar nuk duhet të qëndroj heshtur, kur konfrontohet me një realitet te këtillë, e aq më pak ato shtete që kanë vuajtur nga shkeljet sistematike e të drejtave të njeriut.

II. U BЁJMЁ THIRJE VENDEVE DEMOKRATIKE TЁ MBЁSHTESIN MBROJTJEN E TЁ DREJTAVE TЁ NJERIUT, DHE NЁ RASTIN KONKRET NGA SHTETI I MALIT TЁ ZI KЁRKOJMЁ

· Kërkojmë nga Shteti i Malit të Zi që ti lirojë të gjithë Shqiptarët e burgosur politik, dhe të zbatoj marrëveshjet ndërkombëtare, për mbrojtjen e lirive dhe të drejtave të njeriut;

· Kërkojmë nga Pushteti i Malit të Zi, që të formojë një Komision Ndërkombëtar për hetimin e burgosjes dhe perdorimit të dhunës ndaj të akuzuarve dhe familjeve të tyre;

· Kërkojmë që të korigjohet shkelja e rëndë e procesit të rregullt gjygjësor lidhur me trajtimin e të burgosurve në Mal të Zi, që është pjesë esenciale e zotimeve të autoriteteve Malazeze në respektimin e të drejtave të njeriut dhe rivendosjen e shtetit juridik në Mal të Zi;

· Ne inkurajojmë Parlamentin e Malit të Zi që të debatojë për të drejtat e njeriut, dhe të përdorë pushtetin e vet legjislativ me pergjegjësi të posaçme ;

· Menjëherë, pa mangësi, të bëhen hetimet e pavarura dhe të paanëshme në lidhje me akuzat e torturës dhe keqtrajtimit nga organet e punëve të mbrendëshme;

· Asnjë ndjekje penale mos të bazohet në dëshmitë e marrura nën presionin e dhunës dhe të keq-trajtimit;

· Në rastin kur pranimi i fajit është burimi kryesor i provave për ngritjen e akuzës dhe dënimin e të pandehurit, para se të pranohen provat e tilla, të konsiderohen rrethanat në përgjithësi, e posaçërisht shqyrtimi detal i ekspertizës mjekësore. Bazuar në këtë të vendoset nëse pranimi i fajit është bëre në pajtim me standardet ndërkombëtare lidhur me procesin gjygjësor të paanshëm;

· Viktimat e torturuara dhe të keqtrajtuara të kompenzohen materialisht për vuajtjet e tyre;

· Ndaj puntorëve të organeve të mbrendëshme shtetërore që kan keqtrajtuar apo ushtruar dhunë të merren masa disciplinore, respektivisht të ngarkohen me vepër penale në m’varshmëri nga niveli i dhunës;

· Ndaj puntorëve të organeve të mbrendëshme shtetërore që janë dënuar për keqtrajtim apo ushtrim të dhunës të ndërrmerren sanksione adekuate penale, dhe menjëher të pushohen nga forcat policore;

Beqir Sina