Festimi i Pavarësisë së Kosovës : : : : : : www.Malesia.org : : : : : :

Festimi i Pavarësisë së Kosovës postuar: 24.02.2008

Më 17 shkurt Kosova shpalli Pavarësinë. Që në orët e hershme të mëngjesit në sheshin Nënë Tereze në Prishtinë filluan të tubohen mijëra qytetarë, shqiptarë nga të gjitha këndet e botës për të përjetuarë këtë moment, të pritur që nga Kongresi i Berlinit me 1878, kur Kosova ra edhe nën okupimin e Serbisë.
Festimet filluan jo vetem në Prishtinë, ose Kosovë, ato filluan kudo egzistonte një shqiptarë. Një grup të rinjësh nga Malësia nuk ju ndanë kësaj festë historike, shkuan atje, në Prishtinë për të festuarë me të gjithë shqiptarët tjerë, nuk deshen që me mosprezencën e tyre të kapërcejnë një ndër ditët më të mëdha shqiptare, nëse jo dhe më e madhja.
Krijimi i shtetit të ri, cilidoqoftë festohet në mbarë botën. Edhe këta të rinjë ndienë nevojën shpirtërore për këtë dhe mbasë të indinjuare edhe nga ngjarjet në trevën e tyre lidhur me këtë moment. Data e shpalljes së Pavarësisë ishte bërë e njohur ditë më parë, gjithë shqiptarët e dinin se do të ndodhte, mirpo për fat të keq, me shpresë të tyre, liderët shqiptarë që veprojnë në Mal të Zi jo vetem që nuk festuan por madje disa nga ata shkuan aq larg sa ftuan që festimet të bëhen në ambiente të mbyllura. ABSURD!! Bota shqiptare këtë ditë ndriste si asnjëherë tjeter në Histori, përveç jo ajo në Mal të Zi.
Grupit të të rinjëve që ishin këtë ditë në Prishtinë ju bashkangjitën edhe disa studentë malësore, që gjendeshin atje si dhe një çift malësorë nga SHBA e që kishte ardhur aty enkas për kërë rast.
Të gjithë ata thonë se kjo ditë dhe kjo mbrëmje ishte më e bukur dhe më e lumtur në jetën e tyre. Ata urojnë shtetin e Kosovës duke ju deshiruarë rrugë të mbarë në familjën evropiane.