Prononcim i Diasporës, pas rezultatit të zgjedhjeve në Tuz

shoqatat shqiptare ne shba diaspore

Të nderuar bashkëkombas !

Qyteti i Tuzit dhe Malësia, më 25 Maj 2014, dualën në votime dhe u deklaruan me votën e tyre për përfaqëuesit që do t’i përfaqësojnë në të ashtuqujturen “Komuna Urbane”, si njësi administrative-territoriale e komunës të Podgoricës.

Ironia e tërë këtij procesi zgjedhor është se Shqiptarët, shumicë në Tuz e Malësi, të përçarë nga të tjerët, rrezikojnë që të humbasin drejtimin e komunës gjysmake të Tuzit.

Ndarjet fetare me udhëzimet e pushtetmbajtësve malazias bënë që vota e Shqiptarëve të shpërndahet për interesat e atyre që janë të njohur mirë për strategjinë e tyre në bazë të formulës “përçaj dhe sundo”.

Ndarjet fetare-sektare të kombinuara dhe në shërbim të politikës së ditës kanë çuar në rezultatin përfundimtar të formulës së parallogaritur: dobësim dhe grimcim të votës dhe fuqisë së Shqiptarëve.

Toleranca, bashkëjetesa dhe traditat e shkëlqyera ndërkonfesionale janë shembull unikal që do e dëshironte ta kishte çdo komb tjetër në botë.

Rasti i Ulqinit, ku u tentua po e njëjta përllogari dhe strategji, të çon në konkluzionin se Shqiptarët dinë të bashkohen dhe unfikohen për interesin e përgjithshëm kombëtar.

Të nderuar bashkëkombas, përfaqësues të subjekteve politike, nisur edhe nga të gjitha këto, ju apelojmë, ju bëjm thirrje që me qëndrimet dhe veprimet tuaja të përuleni para interesave kombëtare duke lënë anash interesat e ngushta partiake dhe personale para çështjeve madhore dhe jetike në shërbim të kombit, atdheut dhe vendlindjes tuaj,për një komune të plotë të Malesise qe flet shqip.

Sipas informacioneve, që ne posedojmë, kjo është përbërja e ardhshme e Kuvendit Komunal të Komunës Urbane të Tuzit: Koalicioni DPS-UDSH-PB-Lista për Tuzin: Halil Dukoviq, Fadil Kajoshaj, Nexhad Dresheviq, Enisa Lekiq, Nikolla Gegaj, Ellvis Krkanoviq, Muhamed Gjokaj, Sanda Zejnilloviq, Enis Gjokaj, Hidajet Kallaç, Admir Nikoviq, Mirrsada Suleviq. Koalicioni Shqiptar: Vasel Sinishtaj, Smail Çunmulaj, Gjergj Camaj dhe Valentina Lulgjuraj. Lidhja Demokratike (LD në MZ): Nikolla Camaj, Ivan Ivanaj dhe Teuta Gjokaj. PSD (Partia Social-Demokratike): Selman Axhovil dhe Ismet Gjokoviq. Partia Socialiste Popullore: Kola Lulgjuraj.

Për shoqatat me veprimtari ne SHBA:

Esad Gjonbalaj, Fondacioni ‘’Plave Guci’’-New York
Pashko Gjokaj, Shoqata Atdhetare ‘’Malesia e Madhe’’-Detroit
Ismet Kurti, Shoqata Atdhetare’’ Ana e Malit’’-New York
Ejllo Berishaj, Fondacioni Humanitar ‘’Malesia’’-New York
Mark Dedvukaj, Fondacioni ‘’Ded Gjon Luli’’-New York
Tom Shkreli, Fondacioni ‘’Dom Simon Filipaj’’-New York
Sal Gjinashi, Shoqata Atdhetare ‘’Kraja’’-New York
Riza Milla, Shoqata Atdhetare ‘’Ulqini ‘’-Chicago