Evakuohen me sukses pesë nënshtetas Shqiptarë

Siç raporton e përditshmja malazeze “Vijesti” sot janë evakuar pesë nënshtetash shqiptarë të cilët kanë qenë të bllokuar nga debora e madhe që ka izoluar pjesën më të madhe të Malit të Zi. Ata kanë kaluar natën të bllokuar nga debora sipër fshatit të quajtur Brezan.
Siç raporton kjo gazetë, dy nga këta përsona kanë arritur disi të shpërthejnë deri te shtepia e Vesko Blagojevic nga fshati Zaborje, i cili menjëherë ka kontaktuar shefin e policisë se Nikshiqit. Nenad Blagojeviq gjithashtu nga Zaborja, ka arritur të shkoj në këmbë deri te pjesa tjetër e të bllokuarve ku mbas disa orëve policija ka dërguar pjesën e grupit të vetë për ti evakuar këta persona, të cilët më vonë i kanë kaluar deri në qytetin e Nikshiqit. Identiteti i tyre nuk dihet akoma, por dihet që janë nënshtetas të Republikës së Shqipërisë.
Turizmi dimërorë në Mal të Zi është shumë i frekuentuar nga qytetarët e Republikës së Shqipërisë të cilët viteve të fundit si një ndër destinacionet kryesorë kanë veriun e Malit të Zi për të kaluar pushimet dimërore. Fluksi më madh i turistëve Shqiptarë është para dhe gjatë festave të fundvitit, por edhe mbas, kështu që nuk duhet të çuditemi që në raste të uljes së temperaturave, rreshjeve të shumta të deborës, bllokimeve të gjata, pjesë e gjithë kësaj të jenë edhe nënshtetas shqiptarë.
D.S

KOMENTOJE

Furra Tahiri