Medojevic: Çështja shqiptare mbetet e hapur

Nebojsa-MedojevicLideri i Lëvizjes për Ndryshim dhe anëtari i kryesisë së Frontit Demokratik, Nebojsa Medojevic tha se pyetja e shqiptareve në Mal të Zi është çështje e hapur.

Medojevic në llogarinë e tij në Tviter shkruan se mbështetet edhe në liderin e Lidhjes Demokratike në Mal të Zi, Mehmet Bardhin.

“Çështja shqiptare në Mal të Zi është e hapur. Këtë ma tha personalisht edhe Bardhi. Është më mirë që në kohë të hapim dialogun”, shkruan Medojevic.

Ai komentoi deklaratën e Bardhit se është e papranueshme që kuadrot malazeze të përcaktojnë se çfarë duhet të mësojnë fëmijët shqiptarë.

“Shqiptarët nuk do të pranojnë se ata po luftojnë për “Shqipëri të Madhe “, derisa ata nuk do ta kenë “Shqipërinë e Madhe””, citon Medojeviq deklaratën e ekonomistit Branko Dragas.

“Shqiptarët kanë programin e vet kombëtar rreth të cilit ata janë të bashkuar. Unë e respektoj atë. Komb serioz. Kurse ne po ndahemi e po shamatohemi. Malazezët dhe serbët duhet të mbahen së bashku. Përkundër të gjitha problemeve, ne jemi vëllezër”, shkruan Medojevic. /MALESIA.ORG/