Deklaratë me kerkesë të së përditshmes malazeze “Vijesti”, në bazë të lajmit po në të njëjtën gazetë, më datën 03. 01. 2014
Që nga fillimi teksti në “Vijesti” është i pavërtet, se gjoja projektligjin për Komunën e Malësisë e ka përgatitur Mugosha. Projektligjin, i cili në të vërtetë nuk është tekst përfundimtarë, i cili është produkt i dialogut të KOALICIONIT SHQIPTAR ( të përbërë nga ASH, PD dhe LD në MZ), pjesë e pushtetit qendror, me qëllim të realizimit të kërkesës sonë për vetëqeverisje të plotfuqishme për Malësinë.
Para disa muajsh, vetëm unë nuk kam gënjyer publikisht se jemi në dialog për çështje të Komunës së Malësisë me shumicën parlamentare. Si çdo projektligj, edhe ky që kemi para vehtes do të ketë ndryshime. Nuk është e vërtetë se dikush mundet të ketë të drejtë të shkarkoj Kuvendin, vullnetin e popullit, nëse ai/ajo është i pakënaqur me punë sikur shkruan “Vijesti”.
Sikur është e definuar me ligjin për vetëqeverisje lokale, nëse ndonjë i tillë nuk punon me ligje të parapara për to, normalisht se ekziston procedura për të sanksionuar vetë ato. Deri atëherë, që të respektohet ligji, askush, as Qeveria, as Kryebashkiaku nuk mund të shkarkojnë vullnetin e popullit, kuvendin e Malësisë.
Neni që do të definojë, zgjedhjen në rast të konflikitit të kompetencave, nuk mund të jetë Administratori i Kryeqytetit, sikurse shkruan “Vijesti”, sepse do te ishte konflikt interesi, atë çështje duhet t’a rregullojë pala e tretë.
Alternativa Shqiptare, prej verës se viti të kaluar ka filluar dialogun për realizmin e Komunës së plotëfuqishme, këtë e kemi konfirmuar edhe para disa muajsh, nuk jemi fshehur, sepse jemi të gatshëm të marrim përgjegjësitë. Në periudhën e ardhshme presim që do të definojmë çështjet ende të hapura, dhe natyrisht do të vendosim në përshtatje me Rezolutën që e kemi aprovuar në Kuvendin e fundit partiak.
Malësia do të ketë buxhetin e vet, teritorin e pakontestueshëm dhe kompetencat në bazë të ligjit për vetëqeverisje lokale dhe ligjit për financimin e plotë të saj; kjo është ajo që kemi premtuar kur jemi bërë pjesë e shumicës parlamentare dhe do të realizohet!
Nëse ndodh e papritura dhe kjo nuk realizohet, do të përfundojmë bashkëpunimin tonë!
Nik Gjeloshaj