Shoqatat shqiptare me veprimtari në SHBA me origjinë nga trojet e veta nën Malin e Zi,dënojnë ashpër provikimet e ditëve të fundit dhe në vazhdimësi që ushtrohen në fashtin shqiptar Martinaj,në Plavë-Guci.
Një ditë më parë Plavën e Gucinë i vizitoi ambasadori i Republikës së Shqipërisë në Mal të Zi Tonin Beci. Banorët e asaj treve e pritën me gëzim këtë vizitë,pasi ajo dëshmon kujdesin e shtetit amë ndaj bashkëkombasve të vet jashtë kufirit administrativ.
Si kunderpërgjigje, çuditërisht dhe papritmas u shfaqën në skenë falangat ultranacionaliste ortodokse serbe, të nxitura dhe të përkrahura nga politika zyrtare e Malit të Zi.
Në fshatin Martinaj, në pronën private të vëllëzërisë Prelvukaj të trashëguar prej stërgjyshërve të vet erdhën priftërinj serbë të përkrahur dhe të mbështetur nga policia malazeze.
Ne, shoqatat shqiptare në SHBA dënojmë ashpër këto provokimet. Shqiptari duron,por jo pa kufi. Durimit ndaj sjelljeve dhe provokimeve të tilla po i vjen fundi.Mali i Zi zyrtar duhet të ndalojë pa vonesë dhe pa kushte mbështetjën e këtyre klikave radikale ultranacionaliste ekstreme serbe. Ai duhet të garantojë dhe të ligjërojë të drejtën e pronës,të ndalojë pa hezitim mbështetjën ndaj uzurpatorëve e kolonizatorëve të vjetër e të rinj të tipit të lartëpërmendur,të tokave të shqiptarëve.
Fondacioni “ Plavë-Guci “ në New York.
Shoqata Atdhetare “ Malësia e Madhe “ në Detroid.
Shoqata Atdhetare’’ Ana e Malit’’- New York
Fondacioni “ Dedë Gjon Luli “ në New York.
Fondacioni “ Dom Simon Filipaj “ në New York.
Fondacioni Humanitar “ Malësia “ në New York.
Shoqata Atdhetare “ Kraja “ në New York.
Shoqata Atdhetare “ Ulqini “ në Çikago.