Nimanbegu, marrëveshja me DPS-në të plotësohet

genci-2-1Forca kohën e fundit ka forcuar koordinimin dhe bisedat me DPS-në e Milo Djukanovic-it rreth marrëveshjes së koalicionit dhe mund të pritet që ajo së shpejti të plotësohet, tha për “Pobjeda” deputeti i kësaj parti Genci Nimanbegu.

Tashmë kur ka kaluar më shumë se gjysma e mandatit, deputeti Nimanbegu flet në lidhje me mosrealizimin e marrëveshjes së koalicionit (me DPS-në) dhe plotësimit të saj.

“Marrëveshja është realizuar pjesërisht, sidomos për shkak të lojërave joparimore gjatë vitit 2013 rreth kryerjes së pushtetit në Ulqin, ku disa politikan lokal këtë vit maksimalisht e shfrytëzuan që, duke minuar pushtetin lokal të Forcës, të forcojnë pozitat e veta”, tha Nimanbegu.

“Mendoj se kjo ishte në dëm të qytetarëve të Ulqinit dhe rezultati i këtyre trazirave prej vitit 2012 arritën kulmin me zgjedhjet e parakohshme në Ulqin. Në periudhën e fundit kemi forcuar koordinimin dhe bisedat dhe pres që do të plotësohet marrëveshja nga viti 2012 dhe 2013”, tha Nimanbegu.

Nimanbegu sqaron se marrëveshja me DPS-në është realizuar pjesërisht, por nuk sqaron se cilat janë ato realizime.

“Janë rritur konsultimet për ligje të rëndësishme për ne – të drejtat e pakicave, por edhe për të Mirat detare, si dhe, sigurisht, për disa të tjerë. Kjo mund të rezultojë me një marrëveshje solide, por vetëm me kusht nëse caktohen afatet dhe të ndahet përgjegjësia për realizimin e saj”, shtoi Nimanbegu.

Ai tha se pozita e shqiptarëve është më e mirë së më parë, megjithatë ende nuk është i kënaqur me pozitën e shqiptarëve. /MALESIA.ORG/

Furra Tahiri