Sot në rrugët e New York-ut, rreth ndërtesës së OKB-së, po lëvizë një kamion me banderolë me mbishkrim “2015 Criminal of the Year Milo Djukanovic – Prime Minister of Montenegro”, çka do të thotë në përkthim “Krimineli i vitit 2015 Milo Djukanovic – Kryeministri i Malit të Zi”, e shoqëruar me fotografinë e tij. Në anën tjetër shihet flamuri Autochthonous me mbishkrimin “Liri për Shqiptarët në Mal të Zi”.
Nga burimet e portalit tonë, kjo shëtitje e pazakontë po qarkullon nga hyrja e ndërtesës së OKB-se për të vazhduar në rrugët përreth e për tu kthyer përsëri pranë institucionit më të madh ndërkombëtar në botë. Sipas po të njëjtave burime, kamioni gjatë ditës do të marrë gjiro edhe pranë ndërtesës së Konsullatit të Malit të Zi në New York.
Rikujtojmë se Projekti për Raportimin e Krimit të Organizuar dhe Korrupsionit (OCCRP) – një rrjet i qendrave investigative, mediave dhe gazetarëve, i kishte ndarë kryeministrit malazez çmimin Krimineli i Vitit 2015.
“OCCRP i kishte dhënë këtë çmim, ndërsa ne menduam së është mirë që Kryeministrin ta rikujtojmë për çmimin, sepse ndoshta nuk e ka pranuar ende…”, shprehët burimi anonim. /MALESIA.ORG/
