Në mesin e dhjetëra delegacioneve dhe qindra qytetarëve nga të gjitha anët e trojeve shqiptare që po bëjnë homazhe dhe nderime sot në Gllogjan të Deçanit, ka arritur edhe përfaqësuesi i familjes legjendare Jashari, Rifat Jashari.
Ai bashkë me kryefamiljarin e familjes Haradinaj, Hilmi Haradinajn, në praninë e Gardës Ceremonial të FSK-së, kanë bërë homazhe dhe kanë vënë lule pranë varreve të 85 dëshmorëve të kombit.
Ndryshe, më 24 mars të vitit 1998, kishte nisur lufta e hapur në Dukagjin, kundër forcave serbe, e prirë nga familja Haradinaj në Gllogjan.
Gllogjani ishte fronti i parë i hapur kundër Serbisë, pas atij të Jasharajve të Prekazit.
Lufta e Gllogjanit do të bënte që forcat ushtarako-policore serbe të çorientoheshin dhe kështu meqë fronti po hapej edhe në një pikë tjetër të Kosovës.
Kjo luftë do bënte që një vit më vonë nga Gllogjani, më 24 Mars të vitit 1999, Aleanca më e fuqishme në historinë e njerëzimit NATO, të niste bombardimet mbi caqet serbe në ish-Jugosllavi, duke i dhënë fund terrorit serb në Kosovë. /Telegrafi/