“Tifozat Kuq e Zi” festojnë 15-vjetorin

Më 22 dhjetor 2018, në pallatin e sportit “Asllan Rusi”, në Tiranë, u festua 15-vjetori i krijimit të tifogrupit më të madh të kombëtares shqiptare “Tifozat Kuq e Zi.

Kjo mbrëmje ishte e gërshetuar me muzikë dhe valle shqiptare, por edhe me çmime.

Në këtë manifestim morën pjesë anëtarë të Tifozëve Kuq e Zi, nga të gjitha trojet shqiptare, si dhe njerëz të medies dhe figura të njohura të sportit.

Mbrëmjen e nderoi Ish-kapiteni i Kombëtares Lorik Cana, të cilit Tifozat Kuq e Zi, i ndanë çmimin “O Sa Mirë Me Qenë shqiptar”, që është slogani i tifogrupit.

Edhe talenti 19-vjeçar i bilardos, djaloshi që vjen nga qyteti i Laçit, Eklent Kaçi është nderuar me të njëjtin çmim, pas paraqitjeve të jashtëzakonshme që ka bërë për kombin tonë në kampionatet e bilardos.

Ndërkohë që në këtë aktivitet ka qenë i pranishëm edhe gazetari i Top Channel, Marin Mema, i cili është pritur nga të pranishmit si personazhi më i dashur i tyre.

Tifozat Kuq e Zi, u krijuan në dhjetor të vitit 2003 nga përfaqësues të diasporës shqiptare anë e mban botës me një qëllim; mbështetje ndaj kombëtares së futbollit dhe Jo vetëm saj.

Albert Camaj

 

 

15 vjet "Tifozat Kuq e Zi"

Pak fjalë nga zemra për shqiptarët, për ata që e duan vërtetë këtë vend, për ata që kanë dëshirë ta shohin lartë, të fortë e krenar !! Faleminderit për pritjen miq, faleminderit për mbështetjen dhe energjinë që më kaloni çdo ditë !! 15 vjet "Tifozat Kuq e Zi ", si një bashkim që thyen kufij e ngre peshë zemrat e ngjyrat tona kombëtare !! Bashkë mundemi jo vetëm në stadium, por edhe jashtë tij, për ta ngjitur Shqipërinë tonë aty ku vërtet meriton të jetë !! Dashurinë ndaj vendit tonë duhet ta tregojmë çdo ditë sepse vetëm në këtë mënyrë diçka do të ndryshojë, Shqipëria do të ndryshojë !!! Faleminderit të gjithëve djem e vajza të TKZ që për mua jeni zemra e kombit !!

Posted by Marin MEMA Shqiperia Tjeter on Sunday, December 23, 2018