Tiranë, jeton 12 vjet me plumbin në kokë

TIRANË- Një 40-vjeçare ka jetuar plot 12 vjet me plumbin në kokë. Ajo iu nënshtrua një operacioni pak ditë më parë edhe pse ishte plagosur që në vitin 1997-të. Rasti i saj ka çuditur jo vetëm njerëzit e saj por edhe mjekët, që bënë publik këtë rast.

Ata tregojnë se në vitin 1997, Mrika Ruçaj nga Tropoja dhe me banim në Bathore, Tiranë ishte plagosur nga një plumb qorr. Mjekët në atë kohë e kanë mjekuar në sipërfaqe pa konstatuar mbetjen e gëzhojës në kokë. Gjatë kësaj kohe ajo ka pasur dhimbje koke të vazhdueshme, por është kuruar për sinozit.

Ndërsa dhimbjet janë bërë të padurueshme, është drejtuar për mjekim të specializuar, ku pas ekzaminimeve të shumta është konstatuar prania e një sendi në kokë.

Mjekët e kanë futur direkt në sallën e operacionit, i cili doli me sukses. Gruaja gëzon shëndet të mire, ndërsa rasti hyn ndër të rrallët në mjekësinë tonë. / Shekulli /

Furra Tahiri