Topi mbledh krerët e rajonit në Vlorë. Sejdiu, Ivanov e Vujanovic sëbashku në një tryezë

Presidenti Bamir Topi ka zhvilluar një takim këtë pasdite në Vlorë me tre presidentë të rajonit, homologun kosovar Fatmir Sejdiu, presidentin malazez Filip Vujanoviç dhe atë maqedonas Gjorgje Ivanov. Në axhendën e 4 presidentëve, përveç konferencës së përbashkët për shtyp që do të zhvillohet nesër rreth orës 11:00, bie në sy një darkë në Rradhimë apo një shëtitje në Llogara, tregues këta synimi për të çtensionuar situatën mes autoriteteve në rajon.

Kjo është vizita e parë dhe pjesëmarrja e parë e presidentit të Kosovës Fatmir Sejdiu në një forum rajonal të presidentëve. Presidenti kosovar në fakt nuk u ftua në ceremoninë e inagurimit të presidentit maqedonas Gjorgje Ivanov. Më pas Sejdiu refuzoi një ftesë të Ivanovit për shkak se ajo nuk ishte zyrtare.
Në këto pak javë presidenti i Kosovës Fatmir Sejdiu nuk ka qenë i ftuar në një forum rajonal të presidentëve në Mal të Zi të organizuar nga Filip Vujanovic.

Ndërkaq Shqipëria është përmendur në shumë raporte ndërkombëtare si një vend që ofron siguri dhe stabilitet në Ballkan dhe ky duket një shembull tipik me një iniciativë të presidentit Bamir Topi. /Alsat TV/