MALESI E MADHE – Vdekje tragjike ajo e një 39 vjecareje dhe vajzës së saj të cilat janë mbytur aksidentalisht në ujrat e një rezervuari që ndodhej pranë banesës së tyre në fshatin Vorf të komunës Gruemirë në Malësinë e Madhe (Shqiperi).
Ngjarja e rëndë ndodhi mbrëmjen e djeshme. E mitura me inicialet E. H vetëm 9 vjece ka shkuar në rezervuar për t’i dhënë ujë lopës por ka rrëshqitur dhe ka rënë brenda. Menjëherë e ëma Nexhmije Hyka ka shkuar për të ndihmuar të bijën, por është mbytur bashku me të bijën. Policia thotë se trupat u gjetën mbrëmë. Nga burimet e para të ekspertëve të policisë, të cilët po kryejnë hetimet në vendngjarje mësohet se mbytja e tyre ka qënë aksidentale. /BalkanWeb/