‘’Rrjeti i Ujësjellësit’’ e ka ndarë Sukruqin sipas bazave partiake

Nuk ka ujë për opozitarë

Asnjë metër  ujësjellës  nuk ka  në Sukruq, në zonën ku jetojnë  udhëheqësit e opozitës Vasel Sinishtaj dhe Nikollë Camaj, ndërsa njëqind metra larg  tyre jeton Deputeti i  DPS Nikollë Gegaj, i cili ka  ujë thekson Anton Lulgjuraj,  banor  i këtij fshatit.

Siç njofton  gazeta e përditshme ‘’DAN’’, Banorët e Sukruqit, të cilët jetojnë në pjesën e djathtë të fshatit nga paralelja  e Shkollës ‘’Mahmut Lekic’’, janë të revoltuam, sepse ujësjellësi ende nuk ka kaluar nëpër pjesën e tyre të vendbanimit. Siç njoftojnë , një vit më parë punëtorët “Ujësjellësit ” kanë shënuar dhe caktuar  se ku do të jetë shahti  për  50 familje dhe që atëherë askush nuk ka arllë më. Pa ujë, janë  familjet  Vulaj, Camaj, Sinishtaj, Lulgjuraj, Stanaj, Gjokaj, Vucinaj, Dedvukaj dhe  Prenkocaj.

Anton Lulgjuraj , banor i këtij fshati thekson se askush nuk erdhi për të punuar ‘’Ujësjellësin’’ për një pjesë të  Sukruqit, ku aj banon edhe pse njëqind  metra  më larg ndodhen  puset të cilat janë të furnizuara për familjet e Zetës  dhe një pjesë e  bregdetit Malazez. Asnjë  metër nuk gërmuan në këtë pjesë të Sukruqit. Arsyeja me siguri është sepse  aty jetojnë  opozitaret  Vasel Sinishtaj dhe Nikollë Camaj. Njëqind metra prej tyre jeton edhe  deputeti i DPS Nikollë Gegaj icili ka  ujë. Ne shpresojmë se dikush do të vijnë dhe të fillojnë të punojnë, sepse ne nuk mundemi më të durojmë që çdo ditë neve na duhet  të shkojmë për një litër ujë në Tuz, deklaroi Lulgjuraj.

Lulgjuraj shtoi se askush nuk do të duhej të bisedoi  përpara se furnizimi me ujë për pjesën  jugore  të Malësisë  ka përfunduar, kur kjo nuk është  vërtetë.

Nga rrjeti i ujësjellësit, me të cilin krenohen nuk ka  as shkronjën “u” e lëre më diçka tjetër. Ujin e Liqenit , të cilin e kemi afër nuk mund ta përdorim për ujë të pijshëm, por vetëm për ujitje të arave. Megjithatë, njerëzit nuk kanë shumë para apo mundësi  që për  gjithsecilën ditë të kalojnë disa  dhjetëra kilometra  në mënyrë që të sigurojë familjet me ujë të pijshëm.

Banori tjetër i këtij fshati Leonard Camaj, deklaroi se ‘’Rrjeti i Ujësjellësit’’ do të duhej  tësponsorizohej edhe  4 km, me ujësjellës nëpërmjet pjesës së fshatit ku ai dhe fqinjët  e tij jetojnë. Një vit më parë, punëtoret erdhën dhe shënuan ku duhet të jetë shahta  dhe qëatëherë askush me këmbë nuk ka shkelë  më në këtë pjesë të fshatit. Nuk mundet kjo kështu. Është e pakuptueshme si dikush thotë se Malësia jugore fitoi ujin, ndërsa ne nuk kemi. Camaj tha se vetëm njëqind metra larg ekzistojnë puset me të cilat menaxhon”ujësjellësi”  dhe me të cilat furnizohet me ujë Zeta dhe bregdeti. Paramendoni të furnizohen  me ujë tjerët, ndërsa ne nuk kemi asnjë pikë. Sëpaku të kishin gërmuar   tokën dhe të kishin gërmuar një kanal, atëherë kishim thanë skanë para dhe se  është kriza ekonomike, por që asgjë mos të punojnë  dhe të thonë  se ujësjellësi për pjesën  jugore të Malësisë është përfunduar  nuk është në rregull. Deri atëherë ne duhet të mbushim Bidonë për të ua  sjellë fëmijëve dhe të moshuarve që të kenë të pine deklaroi Camaj.

Këshilltari i Iniciativës Qytetare në Kuvendin e Komunës  urbane të Tuzit Vasel Sinishtaj, deklaroi se, banoret e pjesës së fshatit  Sukruq, ku ai jeton dënohen, për shkak se ai është Fqinjë  i tyre si dhe disa lider tjerë të opozitës në Malësi. Unë kamë  thëne edhe në Kuvendin e Komunës urbane të Tuzit,  se mua uji nuk më duhet  nëse kjo është pengesa që  ‘’ujësjellësi’’ të shkojnë në shtëpitë e tjera në lagje, sepse unë kam një pus dhe pompë. Nuk është e drejtë që uji shkon deri në  Lekaj, Vranjë dhe fshatrat përreth e të anashkalohet rajoni në të cilin jetojnë 50 familje. Ne  afërsi  të familjeve Vulaj, janë tre puse afër që prodhojnë presionin e ujit edhe më të mirë se është në Marezë, por për disa arsye nuk e lidhin me ujë askënd. Paratë të cilat janë destinuar për ujësjellës  janë harxhuar, në këtë  mënyrë që Malësia jugore nuk ka fituar  asgjë, por po Podgorica, e cila tani ka një presion shumë më të mirë.

Asnjëherë si këshilltar dhe  deputet nuk e kam fituar elaboratin  mbi studimin e ujësjellësit edhe pse e kam kërkuar  atë disa herë. Tani kanë ujë të gjithë përveç shtëpive në Sukruq  ku banoj unë deklaroi Sinishtaj.

Në krye të “Ujësjellësit” është  drejtor Vladan Vucelic, i cili është edhe zëvendës i Kryebashkiakut si dhe Kryetar  i  Këshillit  Komunal të DPS në Podgorice.

As  nuk kanë filluar të punojnë

Kryetari i Bashkësisë  Lokale të  Sukurqit, Zef Dedvukaj, konfirmoi se një pjesë e fshatit nuk ka ujë, dhe se  punimet ende as nuk  kanë filluar. Projekti është përfunduar një vit më parë, por unë nuk e di pse nuk kane filluar me punë. Më kanë informuar se nuk kanë para , por edhe këtë  do ta përfundojnë . Ata nuk janë të vetmit që nuk kanë ujë, as komplet Dushiqi nuk ka edhe pse nëpër fshatin e tyre kalon tubi kryesore  ku  ndodhen rezervarët në Lekaj,  madje  as projekti nuk është bërë për atë pjesë.

Gjithashtu, një pjesë e Kodërsbudanit, nuk  kanë ujë edhe atje  duhet të punohet projekti. Reth 60-70 % të Bashkësisë lokale të Sukruqit,  kanë ujë ndërsa  tjerët nuk kanë. Gjithë na thonë se do ta kryejnë punën dhe ne presim deklaroi Dedvukaj.

Rreth shtëpisë se Gegajt  ndriçimi dhe asfalti

Këshilltari i IQ  Vasel Sinishtaj, deklaroi se është  e papranueshme që në fshat nuk ka ndriçim, as  asfalt, ndërsa  të gjitha këto  janë  deri tek shtëpia e  deputetit të DPS  Nikollë Gegaj.

Deri tek shtëpia e deputetit  të DPS Nikollë Gegaj,  ish Kryetarit të Komunës urbane të Tuzit, është ndërtuar  asfalti i ri dhe ndriçimi rrugor. Të gjithë këto i kanë  punuar për një shtëpi. I përkujtoj   zotërinjtë  nga qeveria edhe pse ndoshta ata e dinë se një shtëpi nuk është në interes , por më shumë  familje. Prandaj, unë besoj se qytetarët dënohen për shkak se  i kanë fqinjë liderët opozitar  dhe përfaqësuesit  në  Kuvendin e  KU të Tuzit  deklaroi Sinishtaj.

Albert Camaj