Historia na ka mësuar të ecim bashkë!
Ishin këto fjalët hyrëse të Kryetarit të Komunës se Plavës , z. Orhan Shamanoviq sot (24 shtator), me rastin e mbledhjes solemne në godinën e Komunës së Plavës , ku u bë nënshkrimi i binjakëzimit të Komunave të Deçanit e Plavës.
Z. Shahmanoviq , duke iu dëshiruar mirëseardhjen mysafirëve nga Komuna e Deçanit , tha ” ju, këtu nuk jeni mysafir por në vendin tuaj dhe ashtu edhe duhet të ndjeheni ” .
“Fati e deshi që të jemi ne ata, të cilët do të nënshkruajnë binjakëzimin e vëllazërimin në mes të Komunave tona dhe të realizojmë kështu ëndrrën e kamotshme të të pareve tanë , për të qenë sa më të bashkuar e sa më afër njeri tjetrit , u shpreh nder të tjera Shahmanoviq . “Nëpër të gjitha periudhat historike kemi kaluar së bashku gëzimet e hidhërimet , vështirësitë e kapërcimet , duke i qëndruar pran njeri tjetrit . Dëshirojmë pra , që ky të jetë një hap i fuqishëm përpara , për realizimin e amanetit të të pareve tonë ” , theksoi Shahmanoviqi , duke premtuar se do të përpiqet me të gjithë kapacitetin , që të vijë sa më shpejtë deri tek hapja e rrugës që do të lidhte Plavën me Deçanin , duke shpresuar se kështu do konkretizoheshin të gjitha këto përpjekje tonat .
Fjalën e mori me pas Kryetari i Komunës se Deçanit , z.Rasim Selmanaj , i cili me një gëzim te theksuar përshëndeti të pranishmit , duke thëne se , gjithnjë ne Plave ndjehet sikur ne vend të vetin.
Selmanaj tha , se ndjehet i gëzuar e privilegjuar që sot po nënshkruan binjakëzimin e Komunave të Deçanit e Plavës , duke shpresuar se bashkëpunimi e lidhjet e ngushta që kanë këto dy Komuna , të thellohen edhe më shumë . “Do të ndikojmë me të gjithë autoritetin tonë , që edhe qeveritë e dy vendeve të bëjnë sa më shpejte të mundshme , realizimin e projektit të rrugës që do të lidhte Deçanin e Plavën ” theksoi nder të tjera Selmanaj .
Pas nënshkrimit te aktit te binjakëzimit të Komunave , u shtrua një dreke solemne në Plavë , për nderë të të pranishmëve.
Më pastaj , delegacionet vazhduan rrugën për në Guci , ku u ndalen për pak , për te vizituar edhe ketë qyteze .
Vizita e përbashkët me mysafiret nga Deçani , vazhdoi edhe në Vuthaj , tek Krojet e Vuthajve , të njohura ndryshe si “Krojet e Ali Pashës “. Këtu edhe përfundoi vizita e sotshme , ku delegacioni nga Deçani , ftoi vëllezërit nga Plava e Gucia , që sa me shpejtë ta vizitojnë edhe Komunën e Deçanit ( Me poshtë mund te shihni disa fotografi nga aktivitete e sotme ne Plave-Guci)
Për Malesia.Org Skender Hasangjekaj