Kryetari i Komunës Urbane të Tuzit, Fran Lulgjuraj sot ka dhënë dorëheqje nga ky funksion për shkak se siç arsyeton ai deri në fund të shtatorit nuk është organizuar referendumi konsultativ për Komunën e Tuzit, Raporton e përditshmja Vijesti.
Në deklaratën që i është dërguar kësaj gazete thuhet: “Dua të lajmërojë qytetarët se dorëheqja ime ka karakter personal dhe lidhet me deklaratat e mija në mediet e shkruara dhe elektronike që në qoftë se referendumi konsultativ nuk do të mbahet deri në fund të shtatorit të këtij viti do të jap dorëheqje” është shprehur Lulgjuraj në këtë deklaratë.
Ai gjithashtu ka thënë se përgjegjësia morale e ka shtyrë të marrë këtë vendim.
“Se fjala e dhënë duhet të respektohet edhe pse vonesa në mbajtjen e referendumit ka ndodhur për çështje objektive”
Ai ka thënë se tekstin për dorëheqjen ia ka dërguar edhe kryetarit të Këshillit të DPS në Tuz Halil Dukoviq, për arsye se kjo parti e ka propozuar për këtë funksion. Gjithashtu për vendimin e marrë ka njoftuar edhe Kryetarin e Kuvendit të KU Tuz Fadil Kajoshaj. /MALESIA.ORG/