Në Tuz u festua 11 vjetori i lumturimit të Nanës Tereze

11 vjetori lumturimit nene tereze tuz 03U mbajt manifestim me rastin e 11 vjetorit të lumturimit të Nanës Tereze. Manifestim është organizuar në Tuz me 19 tetor 2014 nga shoqata “Dedë Gjon Luli” në bashkëpunim me Famullin e Tuzit.

Aktiviteti filloi me meshën shenjte të mbajtur nga Don Lush Gjergji, i ardhur enkas nga Kosova për këtë kremtim, dhe patër Mirash Miranaj. Në meshë morën pjesë mysafir nga Kosova, Shqipëria dhe Maqedonia.

Pas meshës shenjte, te truporja e Nanës Tereze u vendosen lule nga don Lush Gjergji, tenori Shkodran Rolaj dhe Lulë Nicaj, nënkryetare e shoqatës “Dedë Gjon Luli”.

Në ora 14:00 në qendren e kulturës në Tuz u mbajt koncert muzikor me ç`rast fjalën e rastit e mbajti don Lush Gjergji, bashkëvepruesi me i afërt shqiptar i Nanes Tereze dhe prifti i cili me se miri e predikon dhe e përcjell si me fjale ashtu edhe me vepër rrugën e Nanes Tereze.
Moderatore dhe këngëtare ishte mezosopranoja Besiana Mehmeti, e cila së bashku me bashkëshortin e saj tenorin Shkodran Tolaj dhe në përcjelljeje me piano nga Kristian Bojaj, argëtuan të pranishmit.

Gjatë programit u shfaq edhe një pjese filmike nga shfaqja e përgatitur nga teatri i Shna Ndout, e realizuar nga Nikollë (Buqi) Gjonaj.
Në fund të programit don Lush Gjergji ndau dhuratë mirënjohje shoqatës Dedë Gjon Luli dhe Muzeut të Dedë Gjon Lulit në Bardhaj, dy librat e fundit që ai i ka botuar.

Manifestimin e kanë përcjell gjatë gjithë kohës televizioni Boin dhe Radio Televizioni i Kosovës, kurse sponsor i manifestimit ishte Diaspora.

Shoqata “Dedë Gjon Luli”

11 vjetori lumturimit nene tereze tuz 01 11 vjetori lumturimit nene tereze tuz 02 11 vjetori lumturimit nene tereze tuz 04 11 vjetori lumturimit nene tereze tuz 05 11 vjetori lumturimit nene tereze tuz 06

Furra Tahiri