Deputetët shqiptarë ngritën padi penale kundër “Informer CG”


informer-16-tetor
Deputetët e partive shqiptare, Genci Nimanbegu (Forca) dhe Nik Gjeloshaj (Alternativa Shqiptare), kanë ngritë padi penale kundër “Informer CG”, për shkak të shkrimeve fyese që kjo gazetë ka shkruar kundër shqiptarëve me datën 16 tetor.

Dy deputetët në konferencë për shtyp kanë njoftuar se padia është ngritë kundër kryeredaktorit si dhe dy autorëve të shkrimit.

nimanbegu - gjeloshaj“Titujt e tekstit janë ofenduese. Padinë e kemi nënshkruar ne të dy si deputet, liderët e partive shqiptare në Mal të Zi, Kryetari i Komunës së Ulqinit Fatmir Gjeka, Kryetari i Forcës Nazif Cungu, Kryetari i Iniciativës Qytetare dhe Kryetari i Kuvendit të Komunës së Ulqinit, por konsiderojeni që përfaqësojmë 40 mijë shqiptarë në Mal të Zi dhe shumë shqiptarë në diasporë, të cilët i ka ofenduar ajo gazetë. Prokurori ka pasur kohë të mjaftueshme nga 16 tetori të reagojë, por një gjë të tillë nuk e ka bërë”, është shprehur Nimanbegu.

Përfaqësuesi i Alternativës Shqiptare Nik Gjeloshaj ka deklaruar se ka pritur që organet shtetërore të reagojnë duke ngritur padinë penale kundër “Informer CG” por kjo gjë nuk ka ndodhur.

“Kemi pritur që dikush nga koleget tonë deputet të reagojë, për arsye se teksti i atij tabloidi ka përhapur urrejtje ndaj një kombi, por kjo mungoj. Për këtë arsye kemi filluar këtë proces” është shprehur Gjeloshaj. /MALESIA.ORG/