Partitë e “pakicave” refuzojnë qeverinë e përkohshme me opozitën

partite pakiceUdhëheqësia e Forcës, Alternativës Shqiptare, Partisë Boshnjake dhe Iniciativës Qytetare Kroate kanë shqyrtuar ofertën e opozitës për bisedime rreth qeverisë së unitetit kombëtar e cila ju është dorëzuar grupeve parlamentare.

Pyetja e qeverisë së përkohshme nuk është prioritet i politikave të popujve pakicë, por janë shumë çështje të tjera të pazgjidhura për të cilat mund të bisedohet, theksojnë në deklaratën e përbashkët të partive të pakicave.

“Tema e qeverisë së unitetit kombëtar apo e qeverisë së përkohshme, nuk është aktualisht midis çështjeve prioritare të politikës sonë, as nuk mund të ketë përparësi krahas prioriteteve kyçe, ku janë: stabiliteti ekonomik dhe zhvillimin rajonal, si dhe integrimi evropian dhe ai në NATO,” thuhet në deklaratën e tyre.

Sipas tyre, koalicioni qeveritarë aktual gjendet në mes të mandatit, dhe sidomos këtë vit, kur pritet ftesa në NATO, duhet të jenë të angazhuar për forcimin e stabilitetit. Në këtë deklaratë ata theksojnë se në mesin e nënshkruesve të iniciativës së qeverisë së unitetit kombëtar janë persona me politik dhe programe të ndryshme e që lidhen me prioritetet e pakicave.
Ata potencuan se në mesin e opozitarëve ka nga ata të cilët shpesh kanë shprehë qëndrime shumë të ashpra ndaj çështjeve të rëndësishme për popujt pakicë si dhe kanë marrë pjesë në protesta kundër vizitave të liderëve të bashkëkombësve nga shtetet fqinje.

Sipas opozitës, subjektet shqiptare edhe pse për më shumë se dy dekada keqtrajtohen nga DPS-i, ata vazhdojnë të jenë servil të regjimit të Milo Djukanovic. /MALESIA.ORG/