Cungu apo Gjeka? DPS, kush të japë më shumë!

Cungu - GjekaDy partitë kryesore të cilat kishin shumicën në Ulqin, partitë shqiptare Forca e Re Demokratike dhe Partia Demokratike, në bisedime me DPS-në për ta futë në vetëqeverisjen lokale të Ulqinit.
DPS-ja pret cila të japin ofertën më të mirë!

Në raundin e parë të negociatave në mes Forcës dhe DPS-së të zhvilluara në Podgoricë, nuk ka pasur një marrëveshje përfundimtare, shkruan gazeta Vijesti.

Sipas burimeve të kësaj gazetë, Forca i ka ofruar DPS-së postin e Kryetarit të Kuvendit të Ulqinit, ndërsa posti i kryetarit të Komunës do ti takonte Forcës.

Në skuadrën e DPS-së ishin zëvendës kryetari Dusko Markovic, anëtari i Kryesisë Branimir Gvozdenovic dhe shefi i këshillit të Ulqinit Loro Nrekiq, ndërsa në delegacionin e Forcës ishte kryetari Nazif Cungu me nënkryetarët Xhaudet Cakuli dhe Genci Nimanbegu.

Të mërkurën priten të zhvillohen negociatat në mes ekipës tjetër, asaj të Partisë Demokratike të Fatmir Gjekës dhe DPS-së. Ende nuk dihet se çfarë do ti ofrohet DPS-së nga ana e PD-së.

Shefi i DPS-së së Ulqinit Loro Nrekiq më herët kishte thënë se ata do të formojnë qeverisjen lokale të Ulqinit me “ata që do të japin më shumë”. /MALESIA.ORG/