Kohëve të fundit në Stjepoh u ndërtua një objekt për terjen ( tharjen ) e mishit.Objektin në fjalë e punuan vëllezërit Pashko dhe Marash të bijtë e Mark Gjokës Lucaj të cilët investuan një shumë të konsiderueshme të mjeteve financiare. Duke u gjendur në gjendje pa perspektivë punësimi vëllezërit në fjalë vendosën që të mirren me terjen ( tharjen ) e prodhimeve të mishit.
Tharja e mishit për këtë familje nuk është veprimtari e re pasi që i jati i tyre Mark Gjoka ishte mjeshtër për tharjen e prodhimeve të mishit, mjeshtri të cilën e trashiguan edhe të bijtë Pashku dhe Marashi.
Kohë më parë Pashku mirrej me këtë mjeshtri në mënyrë simbolike.
Të shtyrë nga nevoja ekonomike por edhe duke e parë interesin, Pashku dhe Marashi vendosën ta punojnë një objekt për ta ushtruar veprimtarinë e ardhëshme të tyre. Mirëpo për tu marrur më këtë mjeshtëri nevojiten kushte të veçanta klimatike. Stjeophi gjendet në rreth 850 – 900 mlm, lartësi kjo e favorshme për zhvillimin e një mikroklime specifike e të volitshme për terjen e prodhimeve të mishit.
Stjepohi zën pozitë në hapsirën në anën e djathtë mbi luginën kanionike të Cemit në të cilën gërshetohen ndikimet e klimës mesdhetare me atë kontinentale. Në këtë mënyrë krijohet varjaniti i klimës mesatare kontinentale e ndikuar nga vetë konfiguracioni i terrenit, Kazheniku dhe Gozdeci kah veriu dhe kanioni i lumit Cem në anën jugore. Për këtë arsye faktorët klimatikë lokalë siç janë lartësia mbidetare e favorshme, si drejtimi i ekspozicionit të shpateve të Kazhenikut dhe Gozdecit, drejtimi i shtrirjes së kanionit të Cemit, drejtimi i volitshëm i erërave etj., e bëjnë mikroklimën e Stjepohit shumë atraktive të shëndetëshme dhe interesante e në këtë mënyrë edhe të favorshme për terjen e prodhimeve të mishit.
Për tu terur mishi me sukses dhe për të fituar prodhime cilësore të mishit të terur nuk mjaftojnë vetëm kushtet e volitshme të faktorëve klimatikë por duhet patur edhe shkathtësi në ushtrimin e këtijë profesioni atraktiv dhe interesant, çfarë Pashku dhe Marashi i posedojnë. Nga biseda me Pashkun mësuam se për terjen me sukses të mishit duhet përdorur drurin e thatë. Më i preferuari është druri i ahut, megjithse mund të përdoren edhe lloje të tjera të drurit të thatë. Pashku mes tjerash thekson se mishi nuk teret vetëm nga temperaturat e larta dhe sasia e kontrolluar e tymit por rrol shumë të rëndësishëm ka qarkullimi i ajrit në objektin në të cilin teren prodhimet e mishit. Qarkullimi i ajrit varet nga pozita e objektit ndaj rrymave të ajrit në hapsirën kund është i vendosur objekti, shkalla e lagështisë relative të ajrit, cilësia e ajrit ( pastërti ) etj.
Pashku dhe Marashi janë aftësuar për terjen e të gjitha llojeve të produkteve të mishit e në këtë mënyrë u ofrojnë mundësi për shërbimet gjegjëse. Kapaciteti i objektit është për momentin 2.000 e krahas tyre edhe sasi e pakufizuar e prodhimeve tjera.
Objektet në fjalë gjenden 20 km larg Podgoricës dhe rreth 25 km larg Tuzit. Drejt Stjepohit shtrihet rruga e cila është në fazen e rikonstruktimeve.
Të jetë kjo edhe një reklamë edhe turistike pse jo, sepse përveç të tjerash nga Stjepohi, Delajt etj., paraqiten mundësi të pamjeve panoramike nga pikshiqimet me pozicion të favorshëm për vëzhgimin e kanionit të Cemit, “Colorado” e Malësisë.