Kryeministri i Shqipërisë, Edi Rama ka folur për vendimin e Kosovës që të vendos tarifën 100 për qind ndaj Serbisë.
Ai është shprehur se përkrah fuqishëm vendosjen e kësaj tarife, duke parlajmëruar në anën tjetër 0 tarifa në doganat Kosovë-Shqipëri.
Me këtë rast, ai është shprehur shumë i shqetësuar edhe me propagandat e Serbisë kundër njohjeve të Kosovës dhe lobimit për tërheqjen e njohjeve nga ato shtete që tahsmë e kanë bërë këtë gjë.
Sipas tij, është e papranueshme që Serbia të kërkojë të mos përdoret edhe emri “Republika e Kosovës”.
“Serbia po e bllokon Kosovën me instanca të shumta rajonale e kombëtare, duke kërkuar tërheqjen e njohjeve të Kosovës si Republikë. Kjo nuk është vetëm sfiduese por edhe provokuese deri në nevojën e reagimeve propercionale. Bllokimi i njohjes së Kosovës një inkurajim cinik. Mbrëmë një ministër i Kosovës më tregonte se si Serbia insistonte që të hiqej fjala Republikë e Kosovës dhe bënte presion te BE.
Kjo është What The Fuck-WTF, siç do thoshin anglezët.
Pra, vendosja e barrierave është e arsyeshme dhe ato nuk duhet të shihen si ekonomike, por politike.
Jemi këtu për të vendosur 0 për qind të tarifave në jug të Kosovës dhe 100 për qind në veri të Kosovës. Pra 6 muajve parë të vitit të ardhshëm mes Shqipërisë dhe Kosovës do të ketë 0 tarifa.
Kush e kupton këtë si kërcenim, jemi të gatshëm t’i presim në takim dhe të ulemi të ja shpjegojmë se kjo është një tolerancë. Serbia është e para e mirëpritur për këtë.
Çfarë dokumente nxirren në Kosovës, duhet të konsiderohen si dokument i nxjerrë në Shqipëri dhe anasjelltas. Ne nuk jemi shqiptarët dhe serbët por jemi shqiptarët-shqiptarët.
Patentat Kosovës dhe Shqipërisë nuk janë patenta mes Shqipërisë dhe Greqisë. E tillë është edhe e gjithë lista e dokumenteve tjera..
Ne bëjmë marrëveshjen tonë të roamingut. Pra brenda gjashtë muajve të parë të vitit të ardhshëm nuk do të ketë roaming mes Kosovës dhe Shqipërisë”, ka thënë Rama