Gjeloshaj: Flamuri shqiptar therrë në sy të policisë malazeze

Kryetari i Alternativës Shqiptare, Nik Gjeloshaj, deklaroi se flamuri shqiptar, kohëve të fundit është bërë therrë në sytë e zyrtarve të policisë në Ulqin dhe Malësi.

Sipas Gjeloshaj, nuk mundet policia as gjykatat, sa do që të përpiqen të frikësojnë dhe të ndalojnë shqiptarët që  ata të mbajnë dhe të shprehin dashurinë e tyre për flamurinkombëtar.

“Sa do që të angazhohën, nuk janë në gjendje të dënojnë sa jemi të gatshëm të paguajmë, për të mbrojtur flamurin tonë, krenarinë tonë që i lidh shqiptarët kudo.

Me shekuj nga Skenderbeu flamuri jonë kombëtar ishte dhe mbetet simbol i civilizimit në këtë rajon dhe më gjerë, theksoi Gjeloshaj.

Gjeloshaj i bëri thirrje Kryetarit të Kuvendit të Malit të Zi, IVan Brajoviq, që në seancën e parë të rregullt të vihet në rendin e ditës Ligji mbi Simbolet nacioanle të miratuar nga Qeveria e Malit të Zi në tetor të vitit 2017 dhe të dërgoi, po ashtu në Kuvend propozimin për ndryshimin e Ligjit për Rendin Publik të dorëzuar nga nënkryetari i Parlamentit të Malit të Zi, Genci Nimanbegu.

Ai i bëri thirrje qytetarëve të cilët dënohen për shfaqjen e flamurit kombëtar, që të lajmërohën në Alternativën Shqiptare, që të marrin të gjitha shpenzimet që mund ti kenë derisa përfaqësuesit e shqiptarëve të zgjidhin këtë problem në mënyrë insitucionale.

Malesia.Org