Me rastin e shënimit të 15 dhjetorit, ditën të cilën Komuna e Tuzit e shënon si dita e çlirimit të Tuzit, Komuna e Tuzit edhe këtë vit vazhdoi traditën e ndarjes së çmimit, “Çmimi i Komunës së Tuzit – 15 dhjetori”.
Të propozuar për Çmimin e Komunës së Tuzit këtë vit ishin 6 kandidatë:
1. Luigj Dushaj,
2. Anton Vulaj,
3. “Kryqi i kuq” nga Tuzi,
4. Edin Krniq,
5. Romeo Dreshaj dhe
6. Sellman Laçeviq.
Juria për ndarjen e Çmimit të Komunës së Tuzit për vitin 2018 e përbërë nga kryetari i jurisë Medaça Muminoviq, anëtarët Prof. dr Mark Camaj, Rexhep Çunmulaj, Allmir Lulanaj, Luigj Berisha si dhe sekretari i jurisë Emin Haxhi, njëzëri sjelli vendimin që fitues i Çmimit të Komunës së Tuzit për këtë vit të jetë:
Anton Vulaj, pronari i ndërmarrjes Castellana Co. nga Tuzi.
Anton Vulaj, si kandidat i propozuar nga një grup qytetarësh, shpërblehet me çmimin vjetor për kontributin e dhënë në zhvillimin ekonomik të Komunës së Tuzit.