Koalicioni “Shqiptarët të Vendosur”, (Forca-UDSH-ASH), vlerësoi se sulmi ndaj ambasadës malazeze dhe djegia e flamurit është e papranueshme dhe për çdo dënim.
“Diegia e flamurit të Malit të Zi nuk është një reflektim dhe qëndrim ndaj tij, por një tregues i sjelljes jokulturore dhe anticivilizuese. Aty ku digjen flamujt, nuk ka përparim, kulturë dhe dialog”, thuhet në deklaratë.
Siç thuhet në deklaratë, njerëzit në pushtet në Serbi duhet të tregojnë me shembullin dhe reagimin e tyre që Serbia nuk është një shtet i tillë.
“Flamuri malazez mund ta digjin në mënyrë figurative, por ata nuk do të arrijnë të rrezikojnë shtetësinë, harmoninë ndëretnike dhe ndërfetare që kemi. Qytetarët e Malit të Zi kanë mbrojtur të gjitha vlerat e simbolizuara nga flamuri që ata u përpoqën të ndiznin, dhe ne jemi të sigurt që do t’u rezistojnë edhe atyre që mbështesin veprime të tilla”, thuhet në deklaratë.
Siç thuhet, asnjë besimtari nuk i intereson se kush është pronar i objekteve të kultit; besimtarët janë të interesuar për paqen, dashurinë, prosperitetin dhe ata që përpiqen të përfitojnë politikisht përmes besimit të tyre, do të kalojnë ashtu siç kanë kaluar paraardhësit e tyre, si humbës të mëdhenj.
“Ftojmë në përmbajtje, për të festuar Krishtlindjet në paqe dhe dashuri, kurse ne, gjithmonë do të kontribuojmë që Mali i Zi, si një shtet qytetar, ta kalojë edhe këtë provim, pa hyrë në detajet e mosmarrëveshjes, por duke mbrojtur flamurin e Malit të Zi kur është e nevojshme!”, thuhet në kumtesen për opinion, të koalicionit në fjalë.
Malesia.Org