Kryetari i Lidhjes Demokratike Shqiptare dhe drejtuesi i Forumit shqiptar, Nikollë Camaj, ka përgëzuar z. Ali Ahmeti, me rastin e 18 vjetorit të themelimit të partisë Bashkimi Demokratik për Integrim.
Në urimin drejtuar z. Ali Ahmeti, Camaj, potencon se z. Ahmeti është lider i cili rrezaton me pjekuri politike, një lider nga koha kur fliste grykëholla, dhe nga koha kur fliste FJALA.
Lexoni postimin e plotë të Camaj:
Duke përgëzuar dhe uruar Ali Ahmetin dhe BDI-në për përvjetorin e maturisë, dua țë veçoj admirimin që ne në Lidhjen demokratike shqiptare ndjejmë për të kaluarën, dhe për të sotmen e kësaj partie.
Si lider i një partie politike shqiptare, ndoshta nuk është e arsyeshme të mbaj anë, mirëpo kur është fjala për subjekte e personalitete, e kaluara e të cilëve është përplotë sakrifica e përkushtim, për të mirën e përgjithshme, dhe kur është fjala për lider që rrezaton me pjeķuri politike, fjalët e të cilit kanë peshë në çdo sofër, siç është Ali Ahmeti, ne nuk mund të kurrsejmë fjalët.
Fjalën e tij në kongresin partiak, që po e ndaj me ju, ia rekomandoj çdo atdhedashësit, çdo shqiptarit që botën shqiptare e sheh në mjedisin që i takon, në atë euoropian. Shqiptarët kanë nevojë për njerëz të dëshmuar, për njerëz me vizion, për njerëz që duan e që dijnë, e mishërimin e të gjitha këtyre e gjejmë tek autori i kësaj Fjale. Personalisht e kam takuar vetëm njëherë, pa mundësi që të njihemi nga afër, por ajo që di për të, nga koha kur fliste grykëholla, dhe nga koha kur fliste FJALA, mendoj se eshte një shembull i mirë për të ardhmen tonë të përbashkët.
Urime vëllezër!