Edhe përkundër rezistencës, Qeveria nuk ndryshon masat – Padi penale kundër Gjeloshaj dhe Çunmulaj

25/02/2021 Headline, Lajme 0

Masat e miratuara nga Qeveria e Malit të Zi më 24 shkurt, sipas të cilave objektet hoteliere në komunën e Tuzit, mbyllen, kanë mbërritur zyrtarisht në komunën e Tuzit, njoftoi kryetari i komunës së Tuzit Nik Gjeloshaj.

Masat e sjellura për komunën e Tuzit vlejnë deri më 10 mars.

“Pas takimit dhe bisedes me nenkryetarin e Qeverise z. Dritan Abazovic dhe ministren e shendetesise Jelena Borovinic Bojovic, kemi shtjelluar situaten dhe kemi argumentuar qendrimet dhe kemi dakorduar qe ne 48 oret e ardhshme ISHP dhe Keshilli ne baze te raportit te ri mbi situaten epidemiologjike, do te shqyrtoje korrigjimin e masave ekzistuese qe do te vlejne prej te henes me 1 Mars 2021”, deklaroi Gjeloshaj.
Gjeloshaj  u bëri thirrje qytetarëve që deri në sjelljen e masave të reja, të respektojnë masat ekzistuese që janë në fuqi.

Ndërkaq, mengjesin e sotëm,  tre persona janë arrestuar, pas kontrollit të tre objekteve hoteliere në Tuz, nën dyshimin se kanë kryer vepër penale, për mos respektim të masave për të parandaluar hapjen e sëmundjeve infektive.

Kurse prokurori në detyrë, me rastin e ngjarjeve të sotme, i ka dhane detyrë urdhëruese policisë që të ngrehin padi penale edhe kundër kryetarit të komunës së Tuzit, Nik Gjeloshaj, nen dyshimin se ka kryer veper penale-ftesë në rezistencë, kurse kundër ushtruesit të detyrës të kryeshefit të policisë komunale Rexhep Çunmulaj dhe një polici komunal, për shkak të dyshimit se kanë kryer vepër penale duke bërë ndihmê për thirrje në rezistencë.

Malesia.Org