Ulqin – Koalicioni “Fillim i Ri” fiton 14 mandate, DPS-PB 6 mandate, UDSH-LDnëMZ 6 mandate


Sot në Ulqin u zhvilluan zgjedhjet lokale, në të cilat morën pjesë 5 lista zgjedhore.

Sipas të rezultateve preliminare, Koalicioni “Fillim i Ri” i udhëhequr nga URA e Dritan Abazoviq, fitoi më së shumti vota, me 14 mandate ose 42,61% të votave të fituara.

Koalicioni DPS – Partia boshnjake fitoi 6 mandate (18,74%) aq sa edhe Koalicioni UDSH – LdnëMZ me 6 mandate (17,14%).

Forca ka fituar 5 mandate (14,28%), ndërsa në Kuvendin e Ulqinit do të futet edhe partia e Aleksa Becic, Demokratët të cilët fituan 2 mandate (7,22%).

Për formimin e shumicës në Kuvendin e ardhshëm të Ulqinit, duhen 17 mandate.

Pjesë e koalicionit “Fillim i Ri” të udhëhequr nga URA janë edhe Partia Demokratike e Fatmir Gjekës, Alternativa Shqiptare e Nik Gjeloshaj dhe dy subjektet malazeze, SDP dhe Socialdemokratët. /MALESIA.ORG/

 

 

 


 

Furra Tahiri