Dje Parlamenti i Malit të Zi miratoi Rezolutën për njohjën e gjenocidit në Pivë dhe Velikë – krim ky i kryer nga divizionet naziste SS përgjatë Luftës së Dytë Botërore.
Rezolutën në fjalë e propozoi Aleksa Becic i Demokratëve të Malit të Zi.
Në lidhje me këtë në rrjetet sociale ka reaguar politologu Albert Bikaj, anëtarë i Alternativës Shqiptare, i cili ka përgëzuar votimin e Rezolutës për dënimin e gjenocidit ndaj civilëve malazias dhe serb.
Bikaj ka shprehur se krimet duhet dënuar, ‘pavarësisht bazave etnike, religjioze, apo racore’, pasi që ato janë shkelje e rëndë e dinjitetit të njeriut. Më tej ai ka theksuar se: ‘krimet dhe gjenocidet nuk guxojnë të instrumentalizohën politikisht, të dënohën në mënyrë selektive për të ushqyer narrativat e ndryshme nacionaliste’, dhe se ‘tashmë është koha që të dënohën edhe krimet ndaj shqiptarëve, boshnjakëve dhe myslimanëve në Plavë dhe Guci (1913), po ashtu edhe gjenocidi në Tivarë (1945).’
Për këtë Bikaj ka ftuar përfaqësuesit e popujve pakica në parlamentin e Malit të Zi, veçanërisht përfaqësuesin shqiptarë Genci Nimanbegu të propozojë një Rezolutë për njohjën e masakrës dhe gjenocidit ndaj shqiptarëve, boshnjakëve dhe myslimanëve në Mal të Zi.
Bikaj u shreh se qytetarët e Malit të Zi, sidoms brezat e rinjë, duhët të mesojnë më shumë mbi të kaluarën e errët dhe krimet e kryera pa dallim, kjo si mënyra më e mirë për luftimin e ideologjive totalitare (si shovinizmi nacionalist, nazizmi, fashizmi dhe komunizmi) të cilat janë shkaktare dhe nxitëse të krimeve të rënda kundër njerëzimit.
Ai ka përfunduar se pa ballafaqim me të kaluarën, pa dënimin e krimeve dhe ideologjive totalitare, nuk mund të ketë të ardhme të ndritur, paqe as harmoni.
Më poshtë mund të lexoni deklaratën e plotë të Albert Bikaj:
“Më vjen mirë që u votua Rezoluta për gjenocidin në Piva dhe Velicë. Krimet, pavarësisht bazave etnike, fetare, racore, duhet të dënohen publikisht nga të gjithë ne! Jeta dhe dinjiteti i njeriut, pa dallim, është e shenjtë dhe e pacënueshme! Krimet dhe gjenocidet nuk guxojnë të instrumentalizohën politikisht, të dënohë në mënyrë selektive për të ushqyer narrativat e ndryshme nacionaliste. Prandaj mendoj se është koha që parlamenti malazias të votojë Rezolutat për masakrën në Plavë e Guci (1913), si dhe për gjenocidin në Tivarë (1945). Ftoj përfaqësuesit e pakicave, veçanërisht përfaqësuesin shqiptarë në parlamentin malazias, z.Genci Nimanbegu, të propozojë një rezolutë për të dënuar krimet dhe gjenocidin ndaj shqiptarëve, boshnjakëve dhe myslimanëve.
Fqinjët tanë, veçanërisht brezi i ri, duhet të njohin të vërtetën: të kaluarën e errët dhe krimet – të cilat janë pasojë e ideologjive totalitare si shovinizmi, nazizmi, fashizmi dhe komunizmi. Kjo, natyrisht, pavarësisht prejardhjes etnike apo fetare të viktimave. Dënimi i totalitarizmit dhe mbrojtja e dinjitetit njerëzorë është detyrë morale për secilin prej nesh. Vetëm me ballafaqim me të kaluarën dhe dënimin e krimeve mund të krijohet një e ardhme e sigurtë, me paqe dhe harmoni.”
/MALESIA.ORG/