Kryeministri i Malit të Zi, Dritan Abazoviq, ka takuar sot Xhaber Al Mansouri, investiror nga Katari, kompania e të cilit do të merret me prodhimin e frutave dhe perimeve, në të cilën do të punësohen 70 persona nga territori i komunës së Tuzit.
Siç thekson Abazoviq, Mansouri, është një nga liderët në prodhimin e shafranit në Lindjen e Mesme, i cili ka marrë me qira 400 mijë metra katrorë tokë në territorin e Tuzit me qëllim të fillimit të prodhimit bujqësor në këtë komunë.
Siç thuhet, investitori nga Katari e njoftoi kryeministrin me planin dinamik të punës së kompanisë që do të merret me prodhimin e frutave dhe perimeve.
Mansouri theksoi se në dy javët e ardhshme do të vendosen 23 sera dhe do të punësohen 70 persona.
Kryeministri Abazoviq theksoi “se i gëzohet ardhjes së vazhdueshme të investitorëve të cilët e njohin Malin e Zi si vend ideal për investime, por këtë herë në fushën e prodhimit bujqësor”.
Kryeministri u shpreh se investimi i lartpërmendur përveç shtetit është i rëndësishëm edhe për komunitetin lokal, i cili ka mundësi të punësojë dhjetëra qytetarë.
Malesia.org