Regjistrimi i popullsisë dhe amvisërive në Mal të Zi fillon sot dhe siç njofton Monstat, regjistruesit e Administratës së Statistikave do të jenë në terren që nga mëngjesi herët.
Më saktësisht, regjistruesit do të jenë në terren në ditët në vijim, nga ora 08:00 deri në 20:00.
Regjistrimi është planifikuar të zgjasë 15 ditë, por ka mundësi që të zgjatet edhe për disa ditë.
Sipas Ligjit, në regjistrim do të përfshihen shtetasit e Malit të Zi me vendbanimin ose qëndrim në Mal të Zi, pavarësisht nëse janë në Mal të Zi ose banojnë përkohësisht në një shtet tjetër.
Nga kjo nënkuptohet që mërgimtarët tonë të cilët jetojnë jashtë, e që janë shtetas të Malit të Zi, kanë të drejtën e regjistrimit.
Nga përfaqësuesit politik të shqiptarëve në Mal të Zi, pritej që të inkuadrohen e të informojnë rreth këtij procesi të rëndësishëm; zhvillimi i ndonjë fushatë informuese por edhe plan konkret i organizuar për regjistrimin e mërgimtarëve. Megjithatë, në atë drejtim nuk u bë asgjë. Regjistrimi i mërgimtarëve, eventualisht, varet nga të afërmit në vendlindje, duke i siguruar të dhënat personale dhe ti regjistrojnë me vetiniciativë.
Në regjistrimin e popullsisë në Maqedoninë e Veriut në vitin 2021, përpos mënyrës së drejtpërdrejtë fizike, procedura e regjistrimit u mundësua edhe përmes internetit (online), gjë e cila e lehtësojë regjistrimin e shtetasve në mërgim.
Ishte ky një shëmbull të cilin duhet t’a kishin kërkuar edhe përfaqsuesit politik tek ne.
/MALESIA.ORG/