Shoqata “Malësia e Madhe” me qender në New York, ka uruar Klubin e Futbollit “Deçiqi” për titullën e kampionit.
Lexo shkrimin e plotë:
I nderuari President i Klubit të Futbollit “Deçiq” z. Pal Dreshaj
Në emër të Shoqatës “Malësia e Madhe” New York, dëshirojmë t’u përcjellim urimet tona më të ngrohta për rezultatin e arritur, duke u shpallur kampion në ligën e parë të futbollit në Mal të Zi.
Puna dhe përkushtimi i stafit drejtues, futbollistëve, tifozëve dhe gjithë Malësisë është për tu vlerësuar. Keni treguar se edhe përkundrejtë pengesave të shumta që keni hasur rrugës, ja keni dalë me sukses të shpalleni kampion dhe të ngritni lartë emrin e klubit të Malësisë.
Suksesi Juaj na ka gëzuar pa masë, jemi shumë krenarë me arritjet e klubit tuaj. Me këtë rast duam të urojmë drejtuesit më të lartë të klubit, stafin, lojtarët, tifozët e mrekullueshëm që kanë treguar qytetari edhe në raste kur kanë qënë shumë të provokuar, banoret e Malësisë dhe të gjithë dashamirësit e klubit të futbollit “Deçiq” kudo që ndodhën.
Me shpresë që ky titull të ju sjellë vullnet për të vazhduar punën tuaj të mrekullueshme ju dëshirojmë suksese në etapat e ardhshme.
Me respekt,
Kryetari i Shoqatës “Malësia e Madhe” Association – New York z. Senad Lulanaj