Pak para fillimit të ndeshjes Itali-Serbi, tifozët serbë të pranishëm në stadiumin Luigi Ferraris filluan të krijojnë probleme, pikërisht gjatë intonimit të himnit të Serbisë.
Tifozët serbë dogjën flamurin shqiptar dhe pos kësaj, njëri prej tifozëve hyri me maskë në fushë për të shqyer rrjetën e njërës prej portave. Madje tifozët Ultras të Serbisë sulmuan portierin Vladimir Stojkovic, për shkak se ai kaloi nga Crvena Zvezda te Partizani.
Ndeshja vazhdoi pasi Dejan Stankovic me pjesen tjetër të lojtarëve shkuan te tifozët për të ngritur lart tre gishtat simbolike te sllavizmit, gjë që bëri që ndeshja të vazhdonte siç ishte paraparë. Por, ndeshja vazhdoi vetëm për 20 minuta, pasi që telashet ne tribuna vazhduan dhe gjyqtari u detyrua ta ndërpriste takimin.
Ndeshja e Grupit C, Itali-Serbi është kruciale për çdonjërën prej skuadrave në rast se dëshirojnë kualifikimin në Euro 2012. /Telegrafi/
VIDEO http://www.youtube.com/watch?v=mJSBy_9Qj84