Kryetari i klubit shqiptarë në Kuvendin e Malit të Zi, Vasel Sinishtaj për gazetën Dan deklaroi, “në qoftë se Malësia nuk e fiton statusin e Komunës së plotë, atëherë seriozisht do të mendoj për dorëheqjen time nga vendi i deputetit në Kuvendin malazez”.
Sinishtaj sqaroi se klubi i deputetëve shqiptarë e dha amendamentin i cili në rënd të parë kërkon statusin e Komunës së plotë të Malësisë. “Në qoftë se edhe ky amendament refuzohet nga shumica në Kuvendin malazez, atëherë vërtet nuk shoh arsye të rri në atë kuvend dhe punoj kot” – tha Sinishtaj.
Vasel Sinishtaj nga koalicioni Perspektiva është kryetari i klubit të deputetëve të partive shqiptare në të cilin janë edhe Mehmet Bardhi nga Lidhja Demokratike dhe Genci Nimanbegu nga Forca e Re Demokratike. /Malesia.Org/