Vetë emrat e autorëve të njohur shqiptarë nga Mali i Zi Kosova, Shqipëria,Maqedonia, Arbëreshët e Italisë dhe diaspora shqiptare si: Anton Nikë Berisha, Françesko Altimari, Emil Lafe, Ilijaz Gogaj, Gëzim Uruçi, Avzi Mustafa, Bahri Brisku,Maksut Haxibrahimi, Ali Llunji, Hajro Ulqinaku, Anton Gojçaj, Gjekë Marinaj,Andrej Nikollaidis etj.), temat, idetë, preokupimet që qarkullojnë në këtë numër janë vlera të qëndrueshme artistike të cilat janë ushqimi më i mirë shpirtëror i popullit tonë arsimdashës, sepse ato janë burim dije për brezin e ri dhe frymëzim për autorët e rinj.
Gjekë Gjonaj
Bashkimi i Krijuesve Shqiptarë në Malin e Zi pak ditë më parë botoi numrin 8/9 të revistës “ Dija”, falë një bashkëpunimi të shkëlqyeshëm me figurat eminente të letërsisë dhe kulturës shqiptare, të cilët e duan dhe e mbështesin këtë revistë në misoinin e saj. Ky numër, i udhëhequr nga një përbërje e re e redaksisë , pjesa më e madhe e të cilëve janë me tituj të lartë shkencor, përmab matertiale nga letërsia shqipe dhe malazeze. Mbrenda një hapësire prej 311 faqesh janë përfshirë 22 autorë të njohur shqiptarë nga të gjitha trevat shqiptare, në mesin e të cilëve 9 nga Mali i Zi dhe 1 autor malazez, përkatësisht: 8 autorë me studime, 5 me vështrime letrare, 3 me punime nga fusha e historisë, 3 nga fusha e letërsisë artistike, 2 nga fusha e mjekësisë, një me dramë për fëmijë e të rritur, një me poezi, një me folklor dhe një me prozë të përkthyer bashkëkohëse malazeze.
Vetë emrat e autorëve të njohur shqiptarë nga Mali i Zi Kosova, Shqipëria,Maqedonia, Arbëreshët e Italisë dhe diaspora shqiptare si: Anton Nikë Berisha, Françesko Altimari, Emil Lafe, Ilijaz Gogaj, Gëzim Uruçi, Avzi Mustafa, Bahri Brisku,Maksut Haxibrahimi, Ali Llunji, Hajro Ulqinaku, Anton Gojçaj, Gjekë Marinaj,Andrej Nikollaidis etj.), temat, idetë, preokupimet që qarkullojnë në këtë numër janë vlera të qëndrueshme artistike të cilat janë ushqimi më i mirë shpirtëror i popullit tonë arsimdashës, sepse ato janë burim dije për brezin e ri dhe frymëzim për autorët e rinj.
Në komunikim me këta emra të njohur shqiptarë të fushave dhe interesimeve të ndryshme, në fazën e përgatitjes së lëndës për botim, kuptova se revista „ Dija“ gjatë rrugëtimit të saj nëntëvjeçarë ka bërë emër dhe ka arritur të krijojë rrethin e vet të lexuesve dhe dashamirëve në hapësirën mbarëshqiptare. Krijuesit e shumtë nga Mali i Zi, Shqipëria, Kosova, Maqedonia, Arbëreshët e Italisë dhe diaspora të cilët rregullisht e përcjellin botimin e kësaj revistë shprehen shumë pozitivisht për vlerat që ofron, pasi që janë të bindur se kjo është ndër ato revista letrare që i ka dyert e hapura për të gjithë krijuesit e të gjitha trevave shqiptare dhe u jep mundësi të gjithëve barabartë të tregohen me krijimet e veta. Autorët e shkrimeve të bindur se kjo revistë provon të kultivojë fjalën artistike, artin, shkencën dhe letërsinë tonë iu bashkëngjitën kësaj sofre, ku kanë vcend të gjithë pa marrë parasysh se ku jetonë e punojnë. Prandaj në emër të Redaksisë dhe në merin tim kam nderin t’ju shpreh mirënjohjen tonë të thellë të gjithë krijuesve shqiptarë që edhe kësaj herë si gjithmonë nga themelimi i revistët na ofruan pa asnjë shpërblim material, punimet e veta shkencore e letrare, me dashamirësinë e madhe që revista „ Dija“ të vazhdojë rrugëtimin e saj edhe në këto kohë, kur për fat të keq çdo prodhim në treg, sado i vogël qoftë, kushton më shumë se sa prodhimi intelektual, pa të cilin bota nuk do të kishte kuptim.
Ne sot jemi të kënaqur me rrjetin e bashkëpunëtorëve sikurse edhe me produktin tonë, pasi që edhe lexuesit tanë shprehen të kënaqur. Ata interesohen për këtë revistë, e pasurojnë atë me shkrimet e tyre dhe janë lexues besnik. Kjo na jep vullnet, na nxit e na obligon që të vazhdojmë me çdo çmim këtë punë, duke mos lejuar në asnjë mënyrë shuarjen e revistës. Në këtë mision të përbashkët besojmë se do të na bashkangjiten edhe institucionet vendore e qëndrore që merren me kulturë.