Siç raporton media e përditshme “DAN’’, Kryetari i Kuvendit të Komuës urbane të Tuzit Fadil Kajoshaj (UDSH), është i pakënaqur me punën e Komunës urbane të Tuzit si dhe me projektet që në atë Komunë kanë stagnuar. Për këtë Kajoshaj, beson se është fajtore kriza ekonomike globale.
Sipas Kajoshaj, nuk mund të ketë ndonjë person në Malësi që mund të thonë se jemi të kënaqur. Edhe pse jemi pozitë nuk jemi të kënaqur, ndërsa opozita ka argumentet e veta. Kajoshaj ka thënë se kanë punësuar një arkivist në konkursin e fundit, kështu që i kanë paguar edhe preminë që i takonte ish punëtorit të administratës të Komunës urbane të Tuzit, Edmond Ujkaj, si dhe kanë përfunduar marrëdhëniet e punës me të.
Punëtori tjetër Palë Dreshaj, tash disa muaj është në pushim mjekësor, do të shohim se çfarë do të ndodhë me të kur të kthehet në punë. Edhe pse ky pushim i tij mjekësor është i dyshimtë, për arsye se gjatë gjithë kohës është aktiv gjithkund, si në sport, bujqësi dhe kështu me radhë, por kjo është çështje e tij personale. Kohët e fundit, ka qenë një konkurs për arkivistët dhe kemi punësuar një person. Tani për tani ne nuk parashikojmë punësime të reja, por më vonë sigurisht do të punësojmë një përkthyes, ka thënë Kajoshaj. /Albert Camaj/