Qeveria e udhëhequr nga DPS përsëri po bën përpjekje të mashtrojë qytetaret e Malësisë, e cila së fundmi ka nisur komisionin për përgatitjen e dokumentacionit të tenderit për përgatitjen e studimit të arsyetshmerisë për themelimin e komunës së Malësisë, deklaroi për gazetën Dan, funksionari i Iniciativës Qytetare Tuz, Smajl Maliq Çunmulaj.
“Qeveria po e bën ketë hap për të qetësuar qytetarët e Malësisë, mbas gjithë këtyre ngjarjeve që po zhvillohen. Ata po e bëjnë ketë sepse janë para zgjedhjeve presidenciale. Në ketë mënyre ata përpiqen për të treguar se gjoja po merren me ketë çështje në mënyre të përshpejtuar, në mënyre që Filip Vujanovic të marrin sa më shumë vota në Malësi. Kjo është rrugë e dredhur e DPS-së”, thekson Çunmulaj.
Ai po ashtu përkujtoi se Milo Djukanovic gjatë promovimit në Tuz, në prag të zgjedhjeve parlamentare, premtoi se do të zgjidhet çështja e komunës së Malësisë në mënyrë sa më të mirë dhe sa më të shpejtë. Që atëherë ka kaluar më shumë se një gjysme viti dhe nuk shihet asnjë përparim, thotë Çunmulaj.
Çunmulaj po ashtu rikujtoj se në gusht të vitit të kaluar deputetet Genci Nimanbegu dhe Vasel Sinishtaj, pranë Ministrisë së Punëve të Brendshme kanë dorëzuar elaboratin e arsyetshmerisë për Komunën e Malësisë. Ministria përkatëse nuk ka kthyer përgjigje nëse elaborati është në rregull, edhe pse ligji e obligon që këtë ta kishin bërë brenda 45 ditëve, shkruan po i njëjti burim. /Malesia.Org/