Hajredin Kovaçi nuk do të jetë pjesë e pushtetit me PDS në Ulqin

10730814_799709806753551_8122020895902271071_nKëshilltari i Lidhjes Demokratike nga radhet e Koalicionit “Së bashku për të ardhmen e Ulqinit” dhe anëtari i Kryesisë së LDnëMZ, Hajredin Kovaçi, ka thënë për të përditshmen “DAN” se ai nuk do të jetë pjesë koalicionit në pushtet të instaluar nga Podgorica, mbas të cilës qëndron DPS. Poashtu Kovaçi ka thënë se nuk do të votojnë as për zgjidhjen e Kryetarit të ri të Komunës dhe Kryetarit të Kuvendit Komunal.

“Ky është mendimi im personal dhe këtë ja kam thënë edhe partisë se nuk dua të jam pjesë e pushtetit të instaluar nga Podgorica, mbas të cilës qëndron DPS. Sikur të doja të isha me DPS, prej kohësh do të isha anëtarësuar në atë parti. Unë nuk dua të jam pjesë e qeverisë, në të cilën ata janë. Kjo është e drejta ime, në qoftë se partia ime mendon ndryshe, jam i gatshëm ta kthejë mandatin e këshilltarit”, duke theksuar se shqiptarëve kjo gjë nuk u duhej fare.

Kovaçi theksoi se nuk mund ta durojë hipokrizinë dhe mungesën e moralit politik.”Në pushtet tani janë ata që deri dje janë thirr me gjithfarë emrash dhe kanë akuzuar njëri tjetrin për korrupsion,kurse tani sillen sikur asgjë nuk kishte ndodhur, deklaroi Kovaçi. /Malesia.Org/

Furra Tahiri