Dy fjalë per ty votues shqiptar i Malësisë

Nje here të vjen nga dera

Shkruan: Idriz Gjokaj

Kur behet fjale per momente historike, atehere jo vetem elita, por e gjithë shoqeria – etnia, dhe te gjithë faktoret relevant por edhe individet, duhet të japin kontributin e vete.
Rast i tille eshte kesaj rradhe, dhe nese ti qe frymon shqip je ne dileme se kujt ti japesh voten, atehere me dy rreshta po mundohem te argumentoje se kesaj here nuk ka dileme.
Nese shkon mbrapa ne histori te ketyre viteve pluralizmi do ta kuptosh se ky pushtet të ka mbajtur me premtime falls dhe me mashtrime.
Do ta kuptosh se ne cdo menyre eshte munduar te te asgjesoje si komunitet, dhe të të bej që të kesh dhe te kemi fatin e Plaves, Gucis dhe Rozhajes.
Do ta kuptosh se ne programet shkollore te ka cunguar info. per historine tende, etnise tende dhe kombit tend shqiptar.
Do ta kuptosh se cdo gje ka shkaterruar dhe prishur dhe se popullates autoktone shqiptare, nuk i japin perfaqesim dinjitoz ne institucione publike, pikerisht sepse politika e vjeter e tyre destruktive dhe percarese nuk ka ndryshuar karshi shqiptareve.
Do ta kuptosh se gjate ketyre viteve pluralizmi kanë vjedhur kanë zhbere dhe shperdoruar resurse të pafundme, por mbi të gjitha do ta kuptosh se me politikat e tyre te mbrapshta kanë bere që të pergjysmohet popullata autoktone shqiptaro – malesore.
Kanë debuar të ri e të moshuar duke na detyruar të marrim rruget e botes si endacake dhe njerez te pa plang dhe shpi, duke u munduar per nje cope buke shtigjeve të mergimit.
I dashur votues mos e vrit shpresen dhe të ardhmen me doren tende duke ju dhene voten atyre që do të vazhdojne të veprojne ne të njejten menyre destruktive kur jemi ne pyetje ne shqiptaret.
Koalicioni ” Forumi Shqiptare ” i tre subjekteve politike eshte nje drite shprese per te ruajtur vlerat që i posedojme ne shqiptaret, eshte drite shprese per te mos na coptuar si deri më tani, per të mos luajtur me fatin tone sikunder kanë bere gjithë keto vite.
Ndaj i dashur votues malesor me tre Mars, voto per gjuhen tende te bukur shqipe, voto per identitetin tend shqiptar, voto më dinjitet sic ju ka hije malsoreve.
Me shpresen se kesaj here do filloje epoke e re per Malesine, te pershendes i nderuar votues malesore dhe të keshilloj të votosh SHQIP PER TE ARDHMEN E MALSISE.