Siç mësohet nga burimet mediatike, me Vëndim të Posaçem, Qeveria e Republikës s Shqiperisë ka riakorduar ndihmën financiare vjetore në shumën 30.000 euro, për Këshillin Kombëtar të Shqiptarëve në Malin e Zi, me qellim asistencen e programeve dhe projekteve sociale në trevat ku banojnë shqiptaret në Malin e Zi dhe kryesisht në Plavë, Guci, Rrozhajë.Sa më lartë është një tjetër anagzhim i përvitshëm i Qeverisë së Republikës së Shqiperisë për të mbështetur aktivitetin dhe veprimtarinë e Këshillit Kombëtar të Shqiptarevë dhe më konkretisht projektet që i shërbejnë forcimit të elementeve bazë të identitetit kombetar të tilla si promovimi i gjuhës, letersisë, kulturës dhe traditave tona kombëtare.
I kontaktuar nga redaksia e Malesia.org, Ambasadori i Shqipërisë në Malin e Zi, z. Ridi Kurtezi, konfirmon lajmin dhe thekson se vemendja dhe kujdesi për mirëqenien e pakicës shqiptare në Malin e Zi, dhe veçanarisht respketimi dhe garantimi i të drejtave të tyre, është dhe do të jetë dimension i përhershëm, dhe shumë i rëndësishëm i marrëdhënieve dhe bashkëpunimit ndërshtetëror Shqipëri-Mali i Zi.
Malesia.Org
