Së shpejti shtatorja e Gjergj Kastriotit-Skenderbeut në Tuz?

Këtë çka paralajmëron titulli i këtij artikulli mund ta xjerrim në bazë të asaj çka mund të lexojmë sot në faqen zyrtare të Lidhjes Demokratike Shqiptare, (pjesë e pushtetit në Tuz), e cila vite më parë në Kuvendin e Tuzit, kishte paraqitur kerkesen për vendosjen e shtatores së Gjergj Kastriotit-Skenderbeut në qendër të Tuzit.

“Ka kohë që LDSH angazhohet për të hijeshua Tuzin me Të…dhe gjasat janë se kjo do të ndodh së shpejti!
Mirë ardhësh Ati i shqiptarisë!”, shkruan LDSH.

Një njoftim të ngjashëm e gjejmë edhe në faqen private të nënkryetarit të komunës, Ivan Ivanaj, i cili është edhe kryetar i LDSH, për Tuzin, dhe i cili, në cilsinë e këshilltarit të LDSH-së, ishte nënshkrues i iniciativës së përmendur.

Siç na informojnë burime jozyrtare ky lajm do të bëhet publik shumë shpejt nga struktura zyrtare të komunës së Tuzit.
Malesia.Org