Qendra për Demokraci dhe të Drejtat e Njeriut, CEDEM, ka publikuar rezultatet e hulumtimit të opinionit publik të kryer nga 11 deri më 27 qershor të këtij viti. Në anketim morën pjesë 1026 qytetarë.
Në qoftë se zgjedhjet do të mbaheshin javën e ardhshme, DPS-në do ta përkrahnin 28.2 përqind të qytetarëve, Demokratët 14.9 përqind, Frontin Demokratik 14 përqind. Sipas rezultateve të nxjerra nga ky hulumtim, lëvizjen Evropa Tani, do ta përkrahin 10.9 përqind, URA-n 4.8 përqind, SNP-në 3.9 përqind, Partinë Socialdemokrate 3.4 përqind, Partinë Boshnjake 3.3 përqind. Sipas të njëjtit hulumtim, Socialdemokratët do ti votonin 2.6 përqind të qytetarëve, Alternativën Shqiptare 2.3 përqind, UDSH-në 1.8 përqind, Malin e Zi të Vërtet 1.6 përqind kurse Malin e Zi të Lirë 1 përqind.
Sa i përket politikanëve, ka pasur ndryshime rrënjësore pasi politikanët më notën më të lartë nuk janë asnjëri nga ata tradicional. Më popullori në vend është Milojko Spajic me notën mesatare 2.62, ndjekur nga kolegu i tij Jakov Milatovic me 2.52, pastaj lideri i Demokratëve Aleksa Becic 2,45, Milo Djukanovic 2,37, Zdravko Krivokapic 2,22, Milan Knezevic 2,15, ndërsa rënie të popullaritetit personal ka pësuar kryeministri aktual Dritan Abazoviq , i cili u vlerësua me notën mesatare 2.11. Ndër politikanët e subjekteve shqiptare, më të vlerësuarit janë Nik Gjeloshaj 1.74 dhe Genci Nimanbegu 1.62.